Dıqandar sýarmaly jerge emes, shyǵyndaǵan sýdyń kólemine qaraı aqy tóleıdi
2022 jylǵy 24 mamyr 12:40

Dıqandar sýarmaly jerge emes, shyǵyndaǵan sýdyń kólemine qaraı aqy tóleıdi

NUR-SULTAN. QazAqparat – Budan bylaı dıqandar sýarmaly jerdiń aýmaǵyna emes, shyǵyndaǵan sýdyń kólemine qaraı aqy tóleıdi. Úkimet otyrysynda QR Premer-Mınıstri Álıhan Smaıylov osyndaı tapsyrma berdi, dep habarlaıdy QazAqparat tilshisi.

Úkimet basshysy sýarmaly alqaptardy meılinshi tıimdi paıdalaný baǵytynda atqarylýy kerek sharalardy atady.

«Birinshi. Ekologııa, Syrtqy ister mınıstrlikteri múddeli memlekettik organdarmen birlesip, sý dıplomatııasy boıynsha naqty pozıtsııany ázirlesin. Sondaı-aq ony úkimetaralyq komıssııa aıasynda eldiń múddesin eskere otyryp, ilgeriletýdi qamtamasyz etsin.

Ekinshi. Aýyl sharýashylyǵy mınıstrligi múddeli memlekettik organdarmen birlesip, sýarý tásilderine qaraı sý berý qyzmetterin óteý boıynsha sýbsıdııalardy saralaý máselesin pysyqtasyn.

Úshinshi. Ulttyq ekonomıka mınıstrligi Aýyl sharýashylyǵy jáne Ekologııa mınıstrlikterimen birlesip, sýarmaly jerdiń 1 gektaryna emes, sýarýǵa ketken sýdyń kólemi úshin aqy engizý máselesin pysyqtasyn», - dedi Premer-Mınıstr.

Ekologııa, geologııa jáne tabıǵı resrýrstar mınıstrliginiń málimeti boıynsha, eldegi egin sýarýǵa ketetin sýdyń 97 paıyzyn ońtústiktegi 4 óńir tutynyp otyr.


Uqsas jańalyqtar

Jańalyqtar

MURAǴAT