Jańalyqtar  >
  Úrdis
Dıhan Qamzabekuly: Ulttyq quryltaıdyń mıssııasy – ortaq qundylyqtardy anyqtaý
2022 jylǵy 26 shilde 16:35

Dıhan Qamzabekuly: Ulttyq quryltaıdyń mıssııasy – ortaq qundylyqtardy anyqtaý

«Ulytaýda ótken Ulttyq quryltaıdan keıin eldik birlik, qoǵamdyq kelisim baǵytynda birshama is atqarylyp, jobalar qolǵa alynǵanyn oqyp, bilip jatyrsyzdar.

Birinshiden, Ulttyq quryltaı qoǵammen tyǵyz baılanys ornatatyn, jurt qaınaýyn sezinetin qurylym retinde qalyptasyp keledi. Beıqamnan qamshyl qalypqa kóshýdiń ózi – izashar sát.

Ekinshiden, elde qolǵa alynǵan konstıtýtsııalyq reformalar qoǵamda serpilis, oıaný, qulshynys týdyra bastady. Saıası úderistiń jańa satyǵa kóterilgeni – aıqyn fakt.

Úshinshiden, Ulttyq quryltaıdyń negizgi mıssııasy – ortaq qundylyqtardy anyqtaý. «Bólingendi bóri jeıdi», «Tórteý túgel bolsa - tóbedegi keledi, altaý ala bolsa - aýyzdaǵy ketedi».

Tórtinshiden, jańarý – memlekettik apparattyń jańarýynan emes, qoǵamnyń talǵam-talabynyń jańarýynan bastalady. Sózden iske kóshý de, qur daýryǵýdan syndarly deńgeıge kóterilýdiń de joly osy aıada.

Besinshiden, bılik pen qoǵamnyń dánekeri retinde Quryltaı eldiń damý úderisine serpin bere bilýi tıis. Bul – bilikpen, birlikpen, aqylmen, parasatpen, batyl tájirıbemen júzege asady.

Altynshydan, elektrondy «Quryltai» platformasy jasaqtalyp, halyqtyń, ásirese, oıy bar, aıtary bar azamattardyń salıqaly pikirleri, áleýmettiń tańdaýy, daýysy, usynysy adresatqa tez jetkizilmek.

Jetinshiden, televızııada arnaıy baǵdarlama uıymdastyrylyp, talqylaýlar júrgizilmek. Bul – ashyq suhbat alańy. Jańa bastama BAQ-ta salalanbaq. Pikir alýandylyǵy artyp, saıası dıskýssııa kúsheıtilmek».

Dıhan Qamzabekuly fılologııa ǵylymdarynyń doktory, professor


Sondaı-aq... oqyńyz
Seriktester jańalyqtary

Jańalyqtar

Úrdis

MURAǴAT