+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Diamond Princess krýızdik laınerindegi úsh reseılikten koronavırýs anyqtaldy

2020 jylǵy 27 aqpan 01:31
Bólisińiz:
Diamond Princess krýızdik laınerindegi úsh reseılikten koronavırýs anyqtaldy

MÁSKEÝ. TASS-QazAqparat - Diamond Princess krýızdik laınerindegi 3 reseıliktiń koronavırýs juqtyrǵany málim boldy.

Uqsas jańalyqtar
Halyqtyq baqylaý: Shý aýdandyq aýrýhanasyna 2 mln teńgeniń dári-dármegi jetkiziledi Túrkııa Qazaqstanǵa medıtsınalyq quraldar jiberedi Úndi kınosynyń juldyzdary koronavırýs juqtyrdy

Bul týraly Rospotrenadzor uıymynyń basshysy Anna Popova málimdedi, dep habarlaıdy QazAqparat Reseıdiń TASS agenttigine silteme jasap.

«Biz Reseı azamattaryn Japonııadan jetkizdik. Qazirgi tańda 8 adam medıtsınalyq statsıonarda, mamandardyń baqylaýynda. Olardyń arasynda Japonııada «jańa koronavırýstyq ınfektsııa» dıagnozy qoıylǵan úsh azamat ta bar. Naýqas juqtyrǵandardyń otbasy músheleri de Kazan qalasyna jetkizilip, aýrýhanaǵa jatqyzyldy. Úsh adamda vırýs bar ekeni birneshe ádis boıynsha tekserilip, anyqtaldy»,-dedi Anna Popova.

Onyń sózinshe, vırýs juqtyrǵan azamattardy qosa alǵanda adamdardyń barlyǵynyń jaǵdaıy qıyn emes.

«Barlyǵynyń dene qyzýy qalypty, eshqaısysynan tipti «jańa koronavırýsty ınfektsııa» juqtyrǵandardyń ózderinde klınıkalyq aýytqýlar bolǵan joq»,-dep qosty ol.

Reseıde koronavırýstyń taralýy týraly eskertý jónindegi jedel shtabtyń tapsyrmasy boıynsha 23 aqpan kúni Reseıdiń Tótenshe jaǵdaılar mınıstrliginiń An-148 ushaǵy Japonııanyń Iokogama aılaǵynda turǵan laınerdegi reseılik 8 adamdy Tokıodan Kazan qalasyna jetkizdi. Kazan qalasyna jetkizilgen azamattar men olardy tasymaldaýmen aınalysqan qyzmetkerler 14 kún karantınde bolady.

Aıta keteıik, Diamond Princess laıneri Iokogamadan 20 qańtar kúni shyǵyp, 3 aqpan kúni qaıta keldi. Jolaýshylardyń arasyndaǵy Qytaı azamatynan koronavrıýs anyqtaldy. Ol 25 qańtar kúni Gonkongtan túsip qalǵan. Japonııa bıliginiń sheshimimen 50 elden kelgen 3,7 jolaýshysy men ekıpaj músheleri bar kemede 5 aqpannan bastap, eki aptalyq karantın jarııalandy.

Osyǵan deıin Japonııadaǵy laınerde bolǵan 4 qazaqstandyqtyń Nur-Sultanda karantınge jatqyzylǵandyǵyn jazǵan bolatynbyz.



Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT