Devıs kýbogy: Qazaqstan – Norvegııa matchy hard tósenishinde ótedi
2022 jylǵy 24 qańtar 13:32

Devıs kýbogy: Qazaqstan – Norvegııa matchy hard tósenishinde ótedi

NUR-SULTAN. QazAqparat – Devıs kýbogynyń irikteý satysynda Norvegııa – Qazaqstan matchy hard tósenishinde ótedi. Bul týraly Qazaqstan tennıs federatsııasy málim etti,dep habarlaıdy QazAqparat tilshisi.

Norvegııa men Qazaqstan quramalary Osloda 4-5 naýryz kúnderi kezdesedi.

Norvegııa tennıs federatsııasy match ótetin oryndy belgiledi.

Básekeler Oslodaǵy Oslo Tennis Arena zaldarynda hard tósenishindegi korttarda bolady.

Match bes oıynnan turady. Onyń tórteýi jekeleı syn bolsa, qalǵan bireýinde tennısshiler jup quryp, kortqa shyǵady.

Eske sala keteıik, budan buryn Aýstralııa ashyq chempıonatynda Anna Danılınanyń shırek fınalǵa shyqqanyn, Maksım Batıýtenkonyń jasóspirimder týrnırin sátti bastaǵanyn jazǵan bolatynbyz.

Al Andreı Golýbev aralas synda shırek fınalǵa shyǵa almady.

Osylaısha Aýstralııada A.Danılına men M.Batıýtenko ǵana jarysty jalǵastyrýda.





Jańalyqtar

MURAǴAT