+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Depýtattar Aqtaýdaǵy aýyz sý tapshylyǵyn joıý qajettigin atap ótti

2020 jylǵy 14 qańtar 12:00
Bólisińiz:
Depýtattar Aqtaýdaǵy aýyz sý tapshylyǵyn joıý qajettigin atap ótti

AQTAÝ. QazAqparat - Parlament Senatynyń depýtattary Mıhaıl Bortnık pen Baqtybaı Shelpekov Mańǵystaý óńirine jumys sapary aıasynda Aqtaý teńiz porty arnaıy ekonomıkalyq aımaǵynda boldy. Arnaıy ekonomıkalyq aımaqtyń basshylyǵymen kezdesý barysynda AEA qyzmetiniń nátıjeleri men onyń damý keleshegi talqylandy, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Aqsaqalǵa qol kóterý oqıǵasy boıynsha saraptama júrgizilip jatyr - Erlan Turǵymbaev Erlan Turǵymbaev polıtseılerdiń eńbekaqysy qandaı kólemde artqanyn aıtty 10 myńnan astam qyzmetker qysqartyldy – Іshki ister mınıstri

Senatorlar arnaıy ekonomıkalyq aımaqqa qatysýshy kásiporyndarda: «Aqtaý teńiz portynda», jylyna 160 myń tonna asfaltbeton óndiretin «Kaspıı Tas Jol» qıyrshyq tas-mastıkalyq zaýytta jáne gaz-germetıkalyq qosylysy bar qýaty jylyna 45 myń tonna qubyr jasalatyn «Qazaqstan Paıp Treders» qubyr kesý zaýytynda boldy.

Talqylaý barysynda salynǵan 1 teńge bıýdjettik ınvestıtsııaǵa 19,1 teńge jeke ınvestıtsııalar tartylǵany, sondaı-aq 4 teńge salyq aýdarymdary tólengeni atap ótildi. Sonymen qatar problemalyq máseleler aıtyldy, onyń ishinde jańa áleýetti ınvestorlardy tartý úshin AEA qyzmetiniń basym baǵytyn aýystyrý, arnaıy aımaqtyń ınfraqurylymyn salýdy respýblıkalyq bıýdjetten qarjylandyrýdy jalǵastyrý múmkindigin qarastyrý, sondaı-aq salyq zańnamasynyń keıbir máseleleri qaraldy.

Depýtattar óńirlerdiń ekonomıkasy men shaǵyn jáne orta bıznesti damytýdy memlekettik qoldaý sharalary týraly habardar etti, onyń ishinde 2019 jylǵy naýryzda qabyldanǵan «Arnaıy ekonomıkalyq jáne ındýstrııalyq aımaqtar týraly» zańnyń negizgi erejeleri egjeı-tegjeıli túsindirildi.

Senatorlar sondaı-aq Aqtaý qalasyndaǵy Á.Kekilbaev atyndaǵy Mańǵystaý oblystyq tarıhı-ólketaný murajaıynyń ujymymen de kezdesti. Óńirdegi murajaı isin qoldaý, jas mamandardy daıarlaý, murajaıǵa kelýshilerdi kóbirek tartý úshin qazirgi zamanǵy ádis-tásilderdi engizý máseleleri jan-jaqty talqylandy.

Depýtattar sonymen qatar qýattylyǵy táýligine 25 myń tekshe metr bolatyn «Kaspıı tuytý zaýyty» seriktestiginde de boldy. Talqylaý barysynda aýyz sý óndirýdi táýligine 40 myń tekshe metrge deıin arttyrý máseleleri qozǵaldy. Senatorlar 2025 jylǵa qaraı táýligine 95 myń tekshe metrden astam aýyz sý tapshylyǵyn joıý qajettigin atap ótti.

Al senatorlar Manap Kóbenov pen Nurjan Nursıpatov Pavlodar oblysyndaǵy Aqtoǵaı aýdanyna jumys sapary barysynda Mútkenov aýyldyq okrýginiń Jańabet aýylyndaǵy Q.Nyǵmanov atyndaǵy orta mektepte boldy. Depýtattarǵa qazirgi zamanǵy talaptarǵa saı qosymsha jańa korpýstar men sport zaldary kórsetildi.

Kezdesý barysynda depýtattar Qazaqstan Respýblıkasynyń Bilim jáne ǵylym salasyn damytýdyń 2020-2025 jyldarǵa arnalǵan jańa memlekettik baǵdarlamasy týraly habardar etti. 2016-2019 jyldary pedagog kadrlardyń sany jarty mıllıon adamnan asqany, áıtse de, bilim berý salasyna jyl saıyn mamandar daıarlanyp jatsa da pedagogıkalyq kadrlarǵa qajettilik áli de saqtalyp otyrǵany atap ótildi. Aýyldyq jerlerdegi mektepterge bilikti muǵalimderdi tartýǵa jáne alyp qalýǵa baılanysty jol jáne turǵyn úı sýbsıdııalary, jeńildikter men preferentsııalar jáne taǵy basqa pármendi tetikter bolmaı otyr. Pedagogıkalyq kadrlardy daıarlaý jáne damytý júıesindegi oń ózgeristerge qaramastan, bilikti pedagog kadrlardy tartýǵa jáne ornyǵyp qalýyna teris áser etetin birqatar máseleler saqtalýda. Sondyqtan baǵdarlamada elimizdiń pedagogıkalyq áleýetin damytý salasyndaǵy problemalardy sheshý boıynsha sharalar qarastyrylǵan.

Senatorlar Aqtoǵaı aýyldyq okrýginde ornalasqan «Aqtoǵaı-Agro» óndiristik nysanynda da boldy. Osy kásiporyn basshylyǵymen áńgimelesý barysynda ósimdik sharýashylyǵy ónimderi kólemin ulǵaıtý maqsatynda saqtaý qoımalaryn salýdy jalǵastyrý jáne kásiporyndy damytýdyń basqa da ózekti máseleleri qozǵaldy.

Senatorlar nysandardy aralap shyqqannan keıin Aqtoǵaı aýdany ákimdiginde aýdan aktıvimen kezdesti.

Júzdesý barysynda Jańabet aýylyndaǵy dárigerlik ambýlatorııanyń qurylysyna, Qojamjar aýyldyq okrýgindegi Talınka ózeniniń arnasyn tazartýǵa, Aqjol aýylynyń ishindegi joldardy asfalttaýǵa (5,6 km), uıaly baılanystyń qoljetimdiligin qamtamasyz etýge, barlyq maýsymda jumys isteıtin sý qubyryn salýǵa jáne oblystyq mańyzy bar Jolboldy-Jalaýly (91-11km) baǵyty boıynsha joldy asfalttaýǵa qatysty máseleler qozǵaldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT