+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Depýtat zeınetaqy tólemderin paıdalaný erejesin tezdetip qabyldaýdy surady

2021 jylǵy 20 qańtar 13:07
Bólisińiz:
Depýtat zeınetaqy tólemderin paıdalaný erejesin tezdetip qabyldaýdy surady

NUR-SULTAN. QazAqparat – Májilis depýtaty Amanjan Jamalov zeınetaqy jınaqtarynyń bir bóligin tıisti maqsattarǵa paıdalaný boıynsha zańǵa táýeldi normatıvtik-quqyqtyq aktilerdi qabyldaýdy tezdetýdi surady, dep habarlaıdy QazAqparat tilshisi.

Uqsas jańalyqtar

Osy oraıda ol 2020 jyldyń qyrkúıeginde Prezıdent óz Joldaýynda 2021 jyldan bastap qazaqstandyqtar zeınetaqy jınaǵynyń bir bóligin turǵyn úı jaǵdaıyn jaqsartýǵa jumsaı alatynyn jarııalaǵanyn eske saldy. Bul rette tıisti zańǵa Memleket basshysy qol qoıyp, qujat zańdy kúshine endi.

«Alaıda Úkimet tarapynan baspana jaǵdaıyn jaqsartý úshin birjolǵy zeınetaqy tólemderin paıdalaný erejesi áli de qabyldanbady. 761 myń azamat osy erejeni kútip otyr. Olardyń kóbisi baspana tańdap alǵan, al bul ereje jobasy túrli kelisýler boıynsha kabınet aralap júr. Osy oraıda halyq tarapynan kóptegen eskertýler túsip jatqanyn aıta ketken jón», - dedi A. Jamalov QR Premer-Mınıstri men QR Ulttyq banki tóraǵasynyń atyna joldanǵan depýtattyq saýalynda.

Onyń aıtýynsha, azamattardyń birazy baspanany 5 jyl ishinde satýǵa bolmaıdy degen shekteýge narazy.

«Bul turǵyda azamattardyń qarapaıym ómirlik jaǵdaılary eskerilmegen, ıaǵnı basqa óńirge kóshý, turǵyn úı jaǵdaıyn ary qaraı jaqsartý josparlary bar ǵoı. Prezıdent tapsyrmasy men el halqynyń úmitin eskere otyryp, zeınetaqy jınaqtarynyń bir bóligin paıdalaný boıynsha qajetti zańǵa táýeldi normatıvtik-quqyqtyq aktilerdi qabyldaýdy tezdetip, 2021 jylǵy qańtar aıynyń sońyna deıin olardy iske qosýdy suraımyn», - dedi A. Jamalov.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT