+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Depýtat Vera Kım elimizdegi kommertsııalyq emes uıymdarǵa qatysty pikir bildirdi

2021 jylǵy 27 aqpan 14:25
Bólisińiz:
Depýtat Vera Kım elimizdegi kommertsııalyq emes uıymdarǵa qatysty pikir bildirdi

NUR-SULTAN. QazAqparat – Búgin Dúnıejúzilik úkimettik emes uıymdar kúnine oraı Májilis depýtaty Vera Kım kommertsııalyq emes uıym sektordyń damýyna qatysty pikir bildirdi, dep habarlaıdy QazAqparat tilshisi.

Aıta keteıik, búgin Aqparat jáne qoǵamdyq damý mınıstri Aıda Balaeva úkimettik emes uıym ókilderimen kezdesti. Іs-shara jyl saıyn 27 aqpanda atap ótiletin Dúnıejúzilik úkimettik emes uıymdar kúni aıasynda ótti.

«Kommertsııalyq emes uıym sektory elimizde aıtarlyqtaı salmaqty rólge ıe jáne memlekettik organdarmen ózara is-qımyl arqyly jumys istep keledi. Kommertsııalyq emes uıymdar negizinen áleýmettik blokta qyzmet etip jatyr. Osy oraıdaǵy baǵyttar halyqtyń ómir súrýin jaqsartýǵa, ekologııaǵa, janýarlardy qorǵaýǵa baılanysty», - dedi depýtat elordada ótken kezdesýde.

Onyń aıtýynsha, qazirgi kezde kommertsııalyq emes uıymdar memlekettik organdarmen ózara is-qımyl turǵysynda halyq pen memleket arasyndaǵy kópir bolyp tur.

«Biz granttar túrli qoǵamdyq bastamalardy qoldaýǵa bólinetinin bilemiz. Elimizde kommertsııalyq emes sektor damyp kele jatyr. Osy oraıda bir naqty baǵytta mamandandyrylǵan servıstik uıymdar kóbirek bolǵany durys. Sondyqtan osyndaı uıymdar ózderiniń jarǵylyqty maqsattaryn júzege asyrǵany mańyzdy. Atap aıtqanda, múmkindigi shekteýli jandarǵa kómek kórsetýge beıimdelse, onda shyn máninde bul servıstik uıymdar halyqtyń osy sanatyndaǵy adamdarǵa qoldaý jasaǵany abzal», - dedi Vera Kım.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT