+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Depýtat «Nurly jer» aıasynda sapasyz qurylys júrgizgenderdi synǵa aldy

2019 jylǵy 7 qazan 13:35
Bólisińiz:
Depýtat «Nurly jer» aıasynda sapasyz qurylys júrgizgenderdi synǵa aldy

NUR-SULTAN. QazAqparat – Parlament Májilisiniń depýtaty Nurtaı Sabılıanov «Nurly jer» baǵdarlamasy aıasynda sapasyz qurylys júrgizgen kompanııalardy synǵa aldy, dep habarlaıdy QazAqparat tilshisi.

«Turǵyndar salynǵan úılerdiń, ǵımarattardy turǵyzý jáne árleý kezinde paıdalanylatyn qurylys materıaldarynyń sapasyna jáne kommýnıkatsııalarda oryn alǵan problemalarǵa kóp shaǵym aıtýda. Indýstrııa jáne ınfraqurylymdyq damý mınıstrliginiń aqparatyna sáıkes, Qazaqstanda 2018 jyldyń ózinde Memlekettik sáýlet-qurylys baqylaý organdary (MSQB) salynyp jatqan nysyndarǵa júrgizgen baqylaýdyń qorytyndysy boıynsha, memlekettik baǵdarlama aıasynda páterlerdiń sapasyz salynǵany úshin 1,5 myń sýbekt 550 mln teńge somasyna ákimshilik jaýaptylyqqa tartylǵan. Osyndaı adal emes kompanııalar qalaısha turǵyn úıler salyp jatyr? Ákimdikter, ıaǵnı tapsyrys berýshiler sonda qaıda qarap otyr?», - dedi depýtat Parlament Májilisinde «Nurly jer» baǵdarlamasynyń júzege asyrylýyna arnalǵan Úkimet saǵatynda.

Onyń paıymynsha, memlekettik satyp alýdy uıymdastyrý jumysy da jobalaý jáne qurylys sapasyna áser etedi.

«Bul dempıng problemasy bolatyn. Dempıng úshin aıla-amaldardy bolǵyzbaýǵa arnalǵan Májilis depýtattary 2018 jyldyń sońynda dempıngtik baǵalardy usynýǵa jol bermeıtin Zańdy qabyldaǵan bolatyn. Buǵan qosa, depýtattar memlekettik satyp alýǵa qatysatyndarǵa qoıylatyn biliktilik talaptaryn qatańdatýǵa baǵyttalǵan Zańǵa túzetýler engizdi. Osyǵan baılanysty, turǵyn úılerdi jáne ınfraqurylym obektilerin jobalaý, salý jáne paıdalanýǵa berý kezinde qurylysshylardyń zańnamada belgilengen talaptardy saqtaýyna baqylaýdy ýákiletti organnyń kúsheıtýi kerek. Sonymen qatar, qurylys jumystaryna, ásirese, turǵyn úı qurylysyna beriletin lıtsenzııany qoldanýdyń belgili bir merzimin belgilegen jón», - dedi N. Sabılıanov.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT