+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Densaýlyq saqtaý mınıstrligi úı jaǵdaıynda karantınniń tártibin túsindirdi

2020 jylǵy 10 naýryz 15:02
Bólisińiz:
Densaýlyq saqtaý mınıstrligi úı jaǵdaıynda karantınniń tártibin túsindirdi

NUR-SULTAN. QazAqparat – QR Densaýlyq saqtaý mınıstrligi koronavırýs ınfektsııasyn (COVID-19) juqtyrý qaýpiniń aıasynda bolǵan azamattar úshin úı jaǵdaıynda karantınde bolýdyń erejeleri men tártibin túsindirdi, dep habarlaıdy QazAqparat tilshisi.

Uqsas jańalyqtar
Reseıde koronavırýs juqtyrǵandar sany áli ósý ústinde COVID-19: Aqtóbede bir táýlikte 137 adamnan koronavırýs anyqtaldy Almaz Sharman koronavırýstyń «Eta» shtamy týraly aıtty

Mınıstrliktiń habarlaýynsha, úı karantıni 1b sanatyndaǵy elderden shyqqannan keıin nemese COVID-19 vırýsyn juqtyrýy múmkin adammen jaqyn baılanysta bolǵan kúnnen bastap 14 kúnge sozylady.

Kelesi talaptar men sharttardy oryndaǵan jaǵdaıda úı karantıninde bolýǵa múmkindik bar:

1. Otbasynyń ózge múshelerimen baılanysta bolmaıtyndaı úıde jeke bólme bolýy tıis;

2. Patsıent jáne otbasynyń ózge de músheleri keńes berilgen tıisti qorǵaný quraldarymen (joq degende qolǵappen nemese maskamen) qamtylyp, aldyn alý sharalaryn saqtaýy (máselen respıratorly gıgıenany, jótel etıketin saqtap, qol alyspaýy) kerek.

3. Úıde COVID-19 ınfektsııasynan keıin táýekel aıasynda qalýy múmkin adamdar bolmaýy tıis (65 jastan asqan qarttar, 5 jasqa deıingi balalar, aıaǵy aýyr áıelder, ımmýnıteti tómen adamdar, sozylmaly júrek, ókpe, búıek aýrýlary bar adamdar).

Úı jaǵdaıynda mundaı karantınde saqtaý múmkin bolmasa da adam aýrýhanada bolýy kerek.

Densaýlyq saqtaý mınıstrligi sonymen qatar úı karantıninde bolǵan adamdar qandaı nusqaýlyqtardy saqtaý kerektigin tizip berdi:

1. Úıden shyqpaýy kerek.

2. Jeke, jeldetiletin jáne esigi jabyq bólmede bolýy tıis. Bólmeden tek qajetti protsedýralardy oryndaý kezinde qysqa ýaqytqa shyǵýǵa bolady. Bul jaǵdaıda aýyz ben muryndy medıtsınalyq maska jaýyp turýy tıis.

3. Aýyz ben muryndy jaýyp turyp, túshkirip, jótelý kerek. Meılinshe bir rettik shytpen shyntaqpen jaýyp, jótelgen abzal. Osydan keıin birden qol jýyp, spırttik negizde antıseptıkalyq zatpen qoldy súrtý kerek.

4. Tamaqtanar aldynda jáne tamaqtanǵannan keıin, dárethanadan shyqqanda qoldy sabyndy sýmen jýyp, antıseptıkpen zalalsyzdandyryp otyrý kerek. Eger qolyńyzda kir bolsa, antıseptıkalyq zatpen súrtkenge deıin sabynmen jýǵan jón. Qoldy súrtý úshin bir rettik maılyqtardy paıdalanǵan abzal.

5. Múmkindiginshe jeke dárethana paıdalanǵan durys.

6. Eger temperatýrańyz kóterilip, tynys joldarynda aýyrlyq baıqalsa CVI baılanys ortalyǵyna habarlasyp, jedel járdem shaqyryńyz. Karantın týraly habarlap, shaǵymdaný sebebin kórsetińiz.

Úı karantınindegi adamy bar otbasyǵa keńes:

1. Karantın bólmesine kire alatyn otbasy músheleriniń sanyn azaıtyp, sozylmaly aýrýlarmen aýyrmaıtyn bir saý adamǵa artyqshylyq berý kerek.

2. Úıge meımandar kelmeýi tıis.

3. Úıdiń barlyq múshesi qoldaryn jıi jýyp turýy kerek.

4. As úı men dárethana sııaqty jalpy bólmelerdiń jaqsy jeldetilgenine kóz jetkizińiz.

5. Karantın bólmesine kirgen kezde, aýzyńyz ben murnyńyzdy jaýyp turatyn tyǵyz medıtsınalyq maska kııýińiz kerek. Eger maska las nemese dymqyl bolyp ketse, ony tez arada jańa taza qurǵaq maskamen aýystyrǵan abzal. Maskany tıisti tehnıkany qoldanyp sheshińiz, ıaǵnı aldyńǵy bólikti ustamańyz. Maskany qoldanǵannan keıin dereý sheship, qolyńyzdy jýyńyz.

6. Karantındegi adammen kez kelgen baılanysta bir rettik qolqapty paıdalanyńyz.

7. Karantındegi adamnyń bólmesin kún saıyn tazalap, zalalsyzdandyryńyz.

8. Karantındegi adamnyń barlyq kir kıimi men zatyn jýylmaı turyp, onyń bólmesinde saqtalǵan sómkede saqtaý kerek.

9. Karantındegi adammen vırýs juqtyratyn zattarmen bólisýden aýlaq bolyńyz. Mysaly, tis etkasy, temeki, ydys-aıaq, súlgi, tósek-oryn jáne t.b. Ydys-aıaqtardy sabyndy sýmen nemese ydys jýǵysh zatpen jýýǵa bolady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT