+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Densaýlyq saqtaý mınıstrligi 553 mln teńgege kólik alýǵa qatysty túsinik berdi

2020 jylǵy 12 shilde 01:24
Bólisińiz:
Densaýlyq saqtaý mınıstrligi 553 mln teńgege kólik alýǵa qatysty túsinik berdi

NUR-SULTAN. QazAqparat – QR Densaýlyq saqtaý mınıstrligi Taýarlar men kórsetiletin qyzmetterdiń sapasy men qaýipsizdigin baqylaý komıteti 553 mıllıon teńgege avtokólikterdi satyp alýǵa qatysty túsinik berdi, dep habarlaıdy QazAqparat.

«Memleket basshysynyń mekemelerdiń materıaldyq-tehnıkalyq jabdyqtalýyn nyǵaıta otyryp, ulttyq sanıtarlyq-epıdemıologııalyq qyzmetti kúsheıtý týraly tapsyrmasyna sáıkes, satyp alý (kólikterdi – red.) ekonomıkalyq ósimdi qalpyna keltirý boıynsha 2020 jyldyń sońyna deıingi Keshendi jospar aıasynda densaýlyq saqtaý júıesin jitildirý jónindegi Іs-sharalar josparyna engizildi», - dedi komıtetten.

Vedomstvo málimetinshe, kólikter komıtettiń 18 aýmaqtyq departamentiniń (224 aýdandyq bólimshesi bar) mamandary, ıaǵnı eldiń sanıtarlyq-epıdemıologııalyq qyzmeti úshin satyp alynýda.

«Sońǵy 8-10 jylda sanepıdqyzmettiń avtoparki jańalanǵan joq. Búginde avtoparktiń 90 paıyzy 100 paıyzǵa tozyǵy jetken. Koronavırýs ınfektsııasynyń pandemııasyna baılanysty COVID-19-ben kúres úshin arnaıy avtokólikke jiti qajettilik týyndady», - dep tolyqtyrdy komıtetten.

Atap ótilgendeı, jańa kólikter ortasha alǵanda 300 shaqyrymnan astam radıýsta ınfektsııalyq syrqattardyń epıdemıologııalyq oshaqtaryn ýaqytyly tekserý úshin qajet. Sondaı-aq laboratorııalyq zertteýlerdi jasaý úshin analızderdi shuǵyl alyp otyrýǵa kerek.

«Atalmysh satyp alýǵa qarajat 2018-2020 jyldarǵy úshjyldyq bıýdjetke engizilgen. Jospar boıynsha otandyq óndiristiń arnaıy avtokólik quraldary satyp alynady», - dep túıindedi mınıstrlik komıtetinen.

Aıta keteıik, buǵan deıin keıbir buqaralyq aqparat quraldary Taýarlar men kórsetiletin qyzmetterdiń sapasy men qaýipsizdigin baqylaý komıteti 553 799 400 teńgege 140 avtokólik satyp alýdy josparlap otyrǵanyn jazǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT