+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Densaýlyq mınıstri koronavırýs boıynsha qabyldanǵan sharalar týraly aıtty

2020 jylǵy 25 aqpan 20:10
Bólisińiz:
Densaýlyq mınıstri koronavırýs boıynsha qabyldanǵan sharalar týraly aıtty

NUR-SULTAN. QazAqparat – Densaýlyq saqtaý mınıstri Eljan Birtanov koronavırýs ınfektsııasy boıynsha memleketterdi úsh topqa bólip, tıisti sharalardyń qabyldanyp jatqanyn aıtty, dep habarlaıdy QazAqparat tilshisi,

Uqsas jańalyqtar
Koronavırýs týraly jalǵan aqparat taratqan Shymkent turǵyny keshirim surady SQO-da koronavırýstyń aldyn alý maqsatynda arnaıy jospar ázirlendi Koronavırýs: Qaraǵandy densaýlyq saqtaý basqarmasy maskalar tapshylyǵyna qatysty túsinikteme berdi

«Koronavırýs jaǵdaıy boıynsha ahýal kúnine birneshe márte ózgerip jatyr. Sebebi Ońtústik Koreıada tańerteń 800 naýqas bolsa, qazir myńǵa jýyǵy tirkelgen. Árıne osyndaı jaǵdaıda bizdiń aldymyzda turǵan negizgi maqsat – naqty sharalardy qabyldaý. Shetelden kelip jatqan barlyq azamatty karantınge jatqyzýǵa múmkindigimiz de, onyń qajeti de joq. Sonymen búkil memleketterdi úsh topqa bólip, sol toptar boıynsha sharalardy júrgizip jatyrmyz», - dedi Eljan Birtanov «Habar 24» arnasyna bergen suhbatynda.

Mınıstrdiń aıtýyna qaraǵanda úsh toptyń alǵashqysyna koronavırýs órshigen eń qaýipti elder engizilgen. Ol elderdiń ishinde Qytaı, Italııa, Iran, Ońtústik Koreıa men Japonııa bar.

«Osy memleketterden kelip jatqan azamattardy biz tolyq tekserip, qajet bolsa karantınge jatqyzamyz. Ońtústik Koreıada biraz azamattarymyz júr. Olar endi qaıtýǵa tyrysady. Joǵaryda atalǵan memleketterde koronavırýs ınfektsııalary tez órship kele jatyr. Sonymen osyndaı sheshim qabyldaýdamyz. Ekinshi topqa engizilgen memleketterden kelgenderge bizdiń medıtsınalyq qyzmetkerler turyp jatqan úılerine nemese qonaq úılerge tekserip otyrady. Al úshinshi topqa engizilgen elderdiń azamattaryn telefon arqyly baqylaýda ustaımyz», - dedi ol.

Eljan Birtanov koronavırýs shýy bastalǵaly beri 30 myńnan astam QHR azamaty koronavırýs ınfektsııasy boıynsha monıtorıngten ótkizilgenin málim etti.

«Qazir 300-ge tarta azamatty telefon arqyly baqylaýda ustap otyrmyz. Keıbir azamattardy jergilikti atqarýshy bılikpen birigip, turyp jatqan jerlerinde tekserýdemiz. Jalpy azamattardyń bári baqylaýda», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT