+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Demeýshilerdiń qoldaýymen Mońǵolııadan 13 otbasy Pavlodarǵa kóship keldi

2019 jylǵy 19 tamyz 15:07
Bólisińiz:
Demeýshilerdiń qoldaýymen Mońǵolııadan 13 otbasy Pavlodarǵa kóship keldi

NUR-SULTAN. QazAqparat – Dúnıejúzi qazaqtary qaýymdastyǵynyń tóraǵasy – Elbasy Nursultan Nazarbaev shette júrgen qandastar taǵdyrynan bir sátte qol úzbeı, tikeleı aralasýynyń negizinde baýyrlarymyzdyń týǵan jerine qonys aýdarý legi jalǵasýda. Osyǵan baılanysty «Otandastar qory» KEAQ-nyń pılottyq jobasy aıasynda Mońǵolııanyń Qobda, Baıan-Ólgeı aımaqtarynan Qazaqstandaǵy týystaryna qosylyp, urpaqtaryn atamekenge jetkizý maqsatynda Pavlodar oblysyna kóp balaly 13 otbasynyń 80 adamy kóshirildi. Bul týraly QazAqparat Qordyń baspasóz qyzmetine silteme jasap habarlaıdy.

Uqsas jańalyqtar
Aıaqpen jazylǵan sálemhat: Qytaılyq qandasymyzdyń haty kózge jas úıirdi Baıan-Ólgeıde Qazaqstan ádebıeti men mádenıeti ortalyǵy ashyldy Qytaılyq qandasymyz 114 kún boıy tamaq ishpeı 5 myń shaqyrym jaıaý júrdi

Aıta keterligi, Qazaqstanǵa birjolata kóship kelýge nıet bildirgen qandastarymyz negizinen áleýmettik, turmystyq jaǵdaıyna baılanysty ózdiginen kóship kele almaıtyn edi. Sondyqtan, bul ıgi is «Otandastar qory» KEAQ–nyń demeýshileriniń (M.Daırbekov, A. Mashkevıch, S. Seıtjanov, B.Ótemuratov, Q. Satybaldy, A. Muqıbek jáne basqalar) tikeleı qoldaýymen Dúnıejúzi qazaqtary qaýymdastyǵy Pavlodar oblystyq fılıalynyń uıymdastyrýymen iske asyryldy.

«Kóship kelgen qandastar arasynda 13 balany ómirge ákelip ósirip, jetkizgen ardaqty ana Qaısha apamyz óziniń qolyndaǵy kenje uly men kelininiń 6 balasymen birge atamekenge kelip otyr. Sondaı-aq, jasóspirim oqý jasyndaǵy 46 bala, 4 stýdent, 1 zeınetker, eńbek jasyndaǵy 29 azamat kóship keldi. Olardyń ishinde aǵylshyn tili, bastaýysh synyp muǵalimderi, tehnıka mamandary, mehanızator, mal dárigeri, medıtsına salasynyń mamany, basqada arnaıy oqý ortalyqtaryn bitirgen tájirbıeli mamandyq ıeleri bar», - delingen baspasóz baıanynda.



Mońǵolııadan kóship kelýshi otbasylar múshelerin jáne otbasynyń turmysqa qajetti qoldanystaǵy múlik, jeke úı júkterin Reseı Federatsııasynyń Altaı ólkesiniń Tashanta keden beketi arqyly shekaradan alyp ótýine baılanysty keleńsiz jaǵdaılardy boldyrmaý úshin «Otandastar qory» RF Omby qalasyndaǵy Qazaqstan Respýblıkasy Konsýly qyzmetkerleriniń kómegine júgingen bolatyn. Osyndaı birlesken sharalardyń nátıjesinde qandastarymyz aman esen elge jetkizilip otyr.

Kóship kelýshiler Pavlodar qalasyndaǵy «Qonystanýshylar men oralmandardy ýaqytsha beıimdeý ortalyǵynda» bir apta bolyp, Pavlodar qalasynyń tarıhı oryndary murajaılarymen tanysyp, birqatar quqyqtyq keńes alyp, qujattaryn rásimdep, medıtsınalyq tekserýden ótedi. Odan keıin, Ekibastuz qalasynyń, akedemık Álkeı Marǵulan atyndaǵy aýylyna 9 otbasy, Pavlodar aýdanyna 2 otbasy, Aqsý qalasynyń Dostyq, Aqjol aýyldaryna 2 otbasy, qalǵandary Tereńkól, Maı aýdandaryna qonystanady dep josparlanýda.

Kóship kelgen otbasylary túgeldeı bıylǵy jylǵy oralmandardyń óńirlik kvotasyna enip, memleket tarapynan ár adamǵa 88 375 teńgeden bir jyl boıy úı jaldap turatyn qarajat beriledi. Balalary oqý oryndaryna, eńbek jasyndaǵylar jumysqa ornalasady.



Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT