+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Demalys kúnderi jolda qalǵan 28 adam qutqarylyp, 159 jolaýshy evakýatsııalandy - TJK

2019 jylǵy 9 jeltoqsan 15:43
Bólisińiz:
Demalys kúnderi jolda qalǵan 28 adam qutqarylyp, 159 jolaýshy evakýatsııalandy - TJK

PETROPAVL. QazAqparat – 7-8 jeltoqsan kúnderi boran men kóktaıǵaqtyń saldarynan tótenshe jaıdaılar boıynsha qyzmet respýblıkalyq avtojoldarda 200-deı adamǵa kómek kórsetip, qar qursaýynda qalǵan 102 tehnıkany shyǵardy, dep habarlaıdy QazAqparat tilshisi.

Uqsas jańalyqtar
Shetelde esepte turǵan avtokólik ıeleri polıtseılermen kezdesti – Qostanaı Birqatar oblystarda aýa raıyna baılanysty jol jabyldy SQO-da oblystyq mańyzdaǵy barlyq joldar jabyq

QR ІІM Tótenshe jaǵdaılar komıteti baspasóz qyzmetiniń habarlaýynsha, Aqmola, Qaraǵandy, Pavlodar jáne Batys Qazaqstan oblystarynda apatty-qutqarý jumystary júrgizildi. Oǵan qutqarý qyzmetinen bólek, jergilikti atqarýshy organdardyń, polıtsııanyń, «Qazavtojol» JShS-nyń ókilderi jumyldyryldy.

Máselen Aqmola oblysynda «Sýrgýt-Shymkent» baǵytyndaǵy «Setra» avtobýsyndaǵy 69 jolaýshy «Nur-Sultan-Petropavl» avtojoly ashylǵansha Kókshetaý qalasyndaǵy jylytý beketine ýaqytsha ornalastyryldy. Jalpy, bul kúnderi óńirde eskertýdi elemeı jolǵa shyǵyp ketken kóptegen jolaýshyǵa kómek kórsetildi.

Nur-Sultan qalasynan 60 shaqyrymdaı jerde «Nur-Sultan-Pavlodar» avtojolynda 50-60 shaqty kólik jolda qalǵan. Qoıandy men Prırechnoe eldi mekenderiniń arasynda turyp qalǵan mashınalardy qar qursaýynan shyǵarýǵa arnaıy tehnıka jóneltildi. Adamdar aýyldardaǵy mektepterge, jol boıyndaǵy dámhanalar men arnaıy jylytý beketterine ornalastyryldy. Joldy qardan arshýǵa 10 tehnıka jumyldyryldy.

Qoıandy eldi mekeninen Sofıevkaǵa deıin 36 kólikten turatyn kolonany tártip saqshylary jetkizip saldy. Mamandardyń sózine qaraǵanda, eshkim zardap shekpegen, qutqarý jumysy aıaqtalǵan. Avtojoldar tazalanyp jatyr.

Qaraǵandy oblysyndaǵy «Almaty-Ekaterınbýrg» avtojolynda kóktaıǵaq saldarynan 20 shaqty jolaýshysy bar eki avtobýs joldan shyǵyp ketti. Jolaýshylar zardap shekpegen, súırep shyǵarylǵan kólikter jolyn jalǵady.

Pavlodar oblysynda Ekibastuz qalasynyń mańynda kóktaıǵaqtyń saldarynan 65 júk kóligi jolda qaldy. «Qazavtojol» JShS qum-tuz qospasyn tósegennen keıin ǵana kólikter jolǵa shyqty.

Al «Semeı-Qaraǵandy» baǵytyndaǵy avtobýstyń 11 jolaýshysy respýblıkalyq mańyzy bar joldardyń jabylýyna baılanysty Ekibastuzdaǵy orta mektepke, Jelezınka eldi mekeninde «Omby-Pavlodar» baǵytyndaǵy avtobýstyń 15 jolaýshysy jergilikti mektep-ınternatqa ýaqytsha ornalastyryldy. Tańerteń jol ashylǵannan keıin avtobýstar jolǵa shyqty.

Batys Qazaqstan oblysy Báıterek aýdanynda jolda qalǵan «Toyota Land Cruiser» avtokóligin qutqarýshylar qar qursaýynan alyp shyqty. Avtokólik salonynda 4 adam bolǵan, olar din aman.

Azamattyq qorǵanys qyzmetiniń mamandary qolaısyz aýa raıy týraly habarlama kelgen jaǵdaıda alys jolǵa shyqpaýdy eskertedi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT