+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

DDU basshysy pandemııa týrasynda: Álemdi qıyn kezeńder kútip tur

2020 jylǵy 24 qazan 15:08
Bólisińiz:
DDU basshysy pandemııa týrasynda: Álemdi qıyn kezeńder kútip tur

JENEVA. QazAqparat – Álem COVID-19 pandemııasynyń kúrdeli kezeńine ótip otyr. Osy oraıda Jerdiń soltústik jartysharyndaǵy halyqtar qıyn jaǵdaıǵa tap bolýda. Bul týraly brıfıngide Dúnıejúzilik densaýlyq saqtaý uıymynyń bas dırektory Tedros Gebreıesýs málim etti, dep habarlaıdy QazAqparat BUU Jańalyqtar ortalyǵyna silteme jasap.

Onyń sózine qaraǵanda, aldaǵy birneshe aı birqatar el úshin aýyr synaq bolady. Qazirdiń ózinde kóptegen memlekette indetke shaldyǵýdyń eksponentsıaldy ósimi baıqalýda. Osynyń saldarynan aýrýhanalar kúrdeli jaǵdaıda jumys isteýde.

DDU bas dırektory álem kóshbasshylaryn ulttyq densaýlyq saqtaý júıeleriniń álsireýine, mektepterdiń jabylýyna jol bermeý baǵytynda jedel sharalar qabyldaýǵa shaqyrdy.

Tedros Gebreıesýs qazirden bastap elderdiń úkimetteri qabyldaýy tıis 5 negizgi qadamdy atady.

«Birinshiden, ár memleket óz aýmaǵyndaǵy indet oshaqtary boıynsha ahýalǵa naqty baǵa berýi kerek. COVID-19-dy baqylaýǵa alýǵa qaýqarly bolǵan elderge aıtarym, indettiń taralýynyń tómen deńgeıin saqtaý úshin qazirgi ýaqytta osy baǵytta kúsh-jigerdi eseleý kerek. Vırýs boıynsha eldiń ishinde jaǵdaıdyń ýshyǵýyna jol beremeńizder», - dedi ol.

Ekinshiden, indet juqtyrý sany artyp kele jatqan elder ahýaldy tyńǵylyqty zerdelep, durys taldaý jasaýy tıis. Sáıkesinshe, vırýspen kúreste strategııaǵa túzetýler engizgen jón.

«Úshinshiden, naqty bir óńirde pandemııa týraly qoǵamǵa túsinikti ári shynaıy aqparatty habarlaý mańyzdy. Bul turǵyda tutas el pandemııany eńserýi úshin ár azamattan talap etiletin qadamdar túsinikti aıtylýy kerek», - ded uıym basshysy.

Tórtinshiden, usynylǵan qaýipsizdik sharalary boıynsha olardy azamattardyń oryndaýyn jeńildetetin júıelerdi engizý qajet. Eger adamdarǵa oqshaýlaný, karantınge shyǵý nemese qyzmetin ýaqytsha toqtatý talaby qoıylsa, onda úkimetter osy qadamdardan zardap shekken otbasylarǵa, ujymdar men kásiporyndarǵa kómek kórsetýi tıis.

Besinshiden, úkimettik mekemeler indet juqtyrǵan adamdarmen turaqty baılanys ornatyp, únemi qajetti nusqaýlardy bergeni mańyzdy sanalady. Medıtsına qyzmetkerleri vırýs juqtyrǵandarmen baılanysta bolǵandardy izdep tabý júıesin retke keltirip, koronavırýsqa shaldyqqandardy oqshaýlaýǵa mán berse, onda jalpyǵa ortaq májbúrli karantın engizý qajettigi bolmaıdy.

Ottek ballondarymen qamtamasyz etý máselesine toqtalǵan ol, «DDU damýshy elderdiń densaýlyq saqtaý mınıstrlikterimen ottegi qurylǵylaryn jobalaý turǵysynda birlesip jumys isteýde. Osy oraıda ottegimen jetkilikti deńgeıde turaqty qamtamasyz etiledi. Atap aıtqanda, bul baǵytta barlyq elderdiń úkimetterimen, memlekettik mekemelerimen yntymaqtastyqta jumys isteýge daıynbyz», – dedi Tedros Gebreıesýs.


Bizdiń kanalymyzǵa jazylyńyz:

#BUU   #Álem   #Koronavırýs  
Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT