+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

DDU basshysy: Aýǵanstannyń densaýlyq saqtaý júıesi tolyq kúıreý aldynda tur

2021 jylǵy 23 qyrkúıek 09:40
Bólisińiz:
DDU basshysy: Aýǵanstannyń densaýlyq saqtaý júıesi tolyq kúıreý aldynda tur

NUR-SULTAN. QazAqparat –Kabýlda jumys saparymen júrgen DDSU basshysy Tedros Gebreıesýs halyqaralyq qaýymdastyqqa Aýǵanstannyń búkil ulttyq densaýlyq saqtaý júıesi tolyǵymen kúıreýi múmkin ekenin eskertti. Bul stsenarııdi boldyrmaý úshin BUU Shuǵyl kómek qorynan 45 mıllıon dollar bóldi, dep habarlaıdy QazAqparat BUU Jańalyqtar ortalyǵyna silteme jasap.

Uqsas jańalyqtar
Aýǵanstannyń ońtústiginde meshitte jarylys boldy Aýǵanstandy teńdessiz qıyndyqtarmen jalǵyz qaldyrmaýymyz qajet – QR Prezıdenti

Kabýlda sóılegen sózinde Dúnıejúzilik densaýlyq saqtaý uıymynyń basshysy doktor Tedros Adhanom Gebreıesýs búginde aýǵan dárigerlerine «kimdi aman alyp qalatynyn jáne kimdi qutqarmaıtynyn» tańdaýǵa týra keledi. Óıtkeni olardyń barlyq muqtaj adamǵa kómektesýge múmkindikteri joq ekenin aıtty. Ol «Talıban» qozǵalysynyń ókilderimen – Aýǵanstannyń jańa bıligimen, sondaı-aq medıtsınalyq qyzmetkerlermen jáne patsıenttermen kezdeskennen keıin osyndaı qorytyndyǵa keldi. Qarjylyq qoldaýsyz myńdaǵan medıtsınalyq mekeme qajetti kerek-jaraqtardy satyp ala almaıdy, al dárigerlerge jalaqy tólenbeıdi. Dári-dármektermen qamtamasyz etýde aıtarlyqtaı problemalar týyndaǵan, atap aıtsaq, jetkizý tizbegi buzylǵan. Koronavırýstyń taralýy aıasynda kovıd naýqastaryna qyzmet kórsetetin 37 aýrýhananyń toǵyzy jabylǵan. Qysqartýlar aýrý juqtyrǵandardy anyqtaý men naýqastarmen baılanysta bolǵandardy izdeýden bastap vaktsınatsııaǵa deıingi pandemııamen kúresýdiń barlyq jaǵdaıyna áser etti.
DDSU basshysy Aýǵanstandaǵy áıelder men qyzdardyń quqyqtary máselesine nazar aýdardy. «Elde medıtsınalyq mekemelerdiń sany azaıyp, áıel dárigerlerdiń jumysqa shyqpaıtynyn eskere otyryp, aýǵan áıelderi dárigerlerdiń kómegine júginbeýge tyrysady», - dep eskertti ol. Onyń aıtýynsha, DDSU seriktestermen jumys isteýge jáne qyzdar men áıelderdiń densaýlyq saqtaý salasynda bilim alýyna, sondaı-aq áıelder arasynan dárigerlerdi oqytýǵa qarajat salýǵa daıyn.
DDSU málimetteri boıynsha, 15 tamyzda «Talıbanǵa» bılik ótkenge deıin Aýǵanstannyń 2,2 mıllıon turǵyny COVID-19 vaktsınasyn alǵan. «Sońǵy aptalarda halyqty vaktsınatsııalaý qarqyny kúrt tómendedi. Vaktsınanyń 1,8 mıllıon dozasy paıdalanylmaı qaldy», – dedi doktor Tedros. Ol jaǵdaıdy ózgertý úshin shuǵyl sharalar qabyldaýǵa jáne jyl sońyna deıin Aýǵanstan turǵyndarynyń kem degende 20 paıyzyn koronavırýs ınfektsııasyna qarsy vaktsınalaýǵa shaqyrdy.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT