+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

DDSU: Jýyq arada baǵasy qoljetimdi ınsýlın paıda bolýy múmkin

2019 jylǵy 14 qarasha 08:33
Bólisińiz:
DDSU: Jýyq arada baǵasy qoljetimdi ınsýlın paıda bolýy múmkin

JENEVA. QazAqparat – Dúnıejúzilik densaýlyq saqtaý uıymy (DDSU) ınsýlın óndirisin ártaraptandyrýdyń pılottyq jobasy týraly jarııalady. Jýyq arada baǵasy arzandaý ınsýlın paıda bolýy múmkin, dep habarlaıdy «QazAqparat» HAA BUU Jańalyqtar saıtyna silteme jasap.

Uqsas jańalyqtar
SQO: Densaýlyq saqtaý júıesinde satyp alý alǵash ret elektrondy formatta júrgizildi Almatylyq kardıologtar 69 jastaǵy áıeldiń ómirin saqtap qaldy Almatyda onkologtar amerıkalyq tehnologııany qoldanyp 5 kúrdeli ota jasady

DDSU Dúnıejúzilik dıabetke qarsy kúres kúniniń qarsańynda osyndaı málimdeme jasap otyr. Ataýly kún 1922 jyly Charlz Bestpen birge dıabetke qarsy ınsýlınniń oılap tabylýynda sheshýshi ról atqarǵan Frederık Bantıngtiń týǵan kúnine oraı, jyl saıyn 14 qarashada toılanady.

Dıabet - qandaǵy qant mólsheriniń artýynan týyndaıtyn, ýaqyt óte kele kúsheıetin sozylmaly aýrý. 1980 jyldan beri dıabetpen aýyratyn adamdardyń sany 4 esege deıin artqan. Búgingi tańda álemde 420 mln adam dıabetten zardap shegedi.

Birinshi tıptegi dıabetpen aýyratyn adamdar ınsýlınsiz ómir súre almaıdy. Al dıabettiń ekinshi tıpi paıda bolǵan adamdar úshin ınsýlın qant mólsherin baqylaý jáne aýrýdyń kúsheıýiniń aldyn alý úshin qajet. Qazirgi tańda dıabettiń ekinshi tıpinen zardap shegetin 65 mln adam ınsýlınge muqtaj. Sonymen qatar kópshilik úshin onyń baǵasy qoljetimsiz.

Búginde álem boıynsha ınsýlın naryǵynyń basym bóligin úsh óndirýshi qolynda ustap otyr. 13 qarashada Jenevada ótken brıfıngte DDSU ókilderi basqa farmatsevtıka kompanııalary da ınsýlın shyǵarýǵa ázir ekenin jetkizdi. Tipti olardyń keıbiri Uıymǵa ózderi shyǵarǵan ınsýlınniń úlgisin de jiberip úlgergen.

«DDSU-nyń ınsýlın óndirisin ártaraptandyrý bastamasy — muqtaj jandardyń ómiri úshin asa qajet preparatty qoljetimdi etýge qoıylǵan asa mańyzdy qadam», — deıdi DDSU bas dırektory Tedros Gebreıesýs.

DDSU ókilderi osy sharanyń naryqtyń barlyq qatysýshylary úshin teńdeı jaǵdaı jasaıtynyna úmit artyp otyr.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT