+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

DDSU:  Álemde koronavırýs ýshyǵyp tur

2020 jylǵy 25 qazan 14:01
Bólisińiz:
DDSU:  Álemde koronavırýs ýshyǵyp tur

NUR-SULTAN. QazAqparat - Álemdi ábigerge salǵan COVID-19 Amerıka men Eýropa elderiniń esin shyǵardy. Sońǵy aptada qaýipti vırýsty juqtyrǵandar sany kúrt ósken.

Dúnıejúzilik densaýlyq saqtaý uıymynyń ózi pandemııanyń eń qıyn kezeńine daıyn bolýǵa shaqyrdy. Ásirese aldaǵy birneshe aı asa saq bolý kerek deıdi Uıym basshysy Tedros Gebreıesýs. Onyń aıtýynsha, búgingi tańda koronavırýs qaıtadan kúshine mingen. Jýyrda ǵana álemde ınfektsııaǵa shaldyǵýdyń táýliktik rekordy ornady. 24 saǵatta dúnıejúzi boıynsha 423 myń adam vırýs juqtyrǵan. Sóıtip, olardyń jalpy sany 42 mıllıonnan asty. «Qazir álemde koronavırýs ýshyǵyp tur. Ásirese soltústik jarty sharda. Jalpy aldaǵy birneshe aı óte qıyn bolady. Kóptegen elde vırýs juqtyrý derekteriniń ósimi óte joǵary. Sonyń saldarynan aýrýhanalar men ıntensıvti terapııa bólimderiniń júktemesi shegine jetken», - dedi DDSU bas dırektory Tedros Adhanom Gebreıesýs.

Mine, álemdegi ahýal osyndaı. Alpaýyt memleket AQSh-tyń ózinde sońǵy bir-eki kúnde 84 myńnan astam adamnan vırýs anyqtalǵan. Elde kún saıyn 800-deı naýqas qaıtys bolady eken. Densaýlyq saqtaý salasy mundaı ósimniń naqty sebebin aıta almaı otyr. Degenmen, sanıtarlyq talaptarǵa nemquraıly qaraý jáne stýdentterdiń orala bastaýy vırýstyń taralýyna túrtki bolýy múmkin dep joramaldaıdy. Amerıkada buǵan deıingi táýliktik rekord 16 shildede tirkelgen edi. Sol kezde 77 myńnan astam azamattan dert anyqtalǵan. Qazir el boıynsha 8 mıllıonnan astam adam aýrýǵa shaldyǵyp, 224 myńy kóz jumǵan.

Eýropa elderindegi jaǵdaı da máz emes. Ásirese, Frantsııada koronavırýs ınfektsııasyna shaldyǵýdyń 42 032 jańa oqıǵasy tirkelgen. Osylaısha, pandemııa bastalǵannan beri el boıynsha COVID-19 juqtyrǵan adamdar sany bir mıllıonnan asty, dep habarlaıdy QazAqparat France24.com-ǵa silteme jasap.

Sarapshylar indet juqtyrý oqıǵalarynyń shynaıy sany Frantsııanyń densaýlyq saqtaý organdary tirkegen 1 041 075 adamnan áldeqaıda kóp bolýy múmkin dep sanaıdy. Buǵan pandemııanyń erte kezeńinde testilerdiń bolmaýy, aýrýdyń sımptomsyz ótýi jáne ózge de problemalar sebep. France24.com saıtynyń jazýynsha, Frantsııa Batys Eýropada COVID-19 juqtyrý oqıǵalarynyń osynshama úlken sany tirkelgen Ispanııadan keıingi ekinshi el bolyp otyr. Eýropanyń basqa elderinde sııaqty, Frantsııada sońǵy aptalarda koronavırýstyń ekinshi tolqynynda táýlik ishinde vırýs juqtyrý oqıǵalarynyń sany kúrt artqan. Qazirgi kezde COVID-19 juqtyrǵan patsıentter qarqyndy terapııa bólimderinde búkil el boıynsha 42 paıyz oryndy alyp jatyr, al Parıj aımaǵynda bul kórsetkish 64 paıyzdy quraǵan. Frantsııa ulttyq densaýlyq saqtaý agenttiginiń málimetinshe, sońǵy aptada elde COVID-19 vırýsyn juqtyrǵan 11 myń patsıent aýrýhanaǵa jatqyzyldy. Sonyń ishinde 1 714 adam – qarqyndy terapııa bólimderinde. Frantsııa úkimeti ótken aptada eldiń segiz qalasynda komendanttyq saǵat engizdi. Odan keıin komendanttyq saǵat taǵy 38 aımaq pen frantsııalyq Polınezııada da jarııalandy. France24.com Frantsııada koronavırýs ınfektsııasymen baılanysty 34 myńnan astam ólim oqıǵasy tirkelgenin jáne bul Eýropadaǵy eń joǵary kórsetkishterdiń biri ekenin eske saldy.

Portýgalııanyń kez kelgen turǵyny kóshede maska taǵýǵa mindetteldi. El parlamenti osyndaı zań qabyldady. Oǵan baǵynbaǵandar birden jaýapqa tartylmaq. Aıyppul kólemi 500 eýroǵa deıin barýy múmkin. Budan bólek, Portýgalııa úkimeti turǵyndarǵa Helloýın merekesi kezinde saparǵa shyǵýǵa tyıym saldy. Bul shekteý 30 qazannan 3 qarashaǵa deıin kúshin joımaıdy. Portýgalııada sońǵy eki apta boıy kún saıyn shamamen 2 myń derek tirkelip keledi. Vırýs juqtyrǵandardyń jalpy sany 110 myńnan asyp ketken.

Italııa astanasy Rımde komendanttyq saǵat ornady, dep habarlaıdy «Habar 24» tilshisi. Jergilikti bılik osylaısha keńinen etek jaıǵan koronavırýs indetin toqtatpaq nıette. Óıtkeni sońǵy kúnderi elde vırýstyń taralý qarqyny qatty bolyp tur. Jýyrda ǵana bir táýlikte 16 myńnan astam adamnan qaýipti ınfektsııa tabylǵan. Bul jańa antırekord bolyp otyr. Alaıda saqtyq maqsatynda jasalǵan sharaǵa qarsy shyqqandar da bar. Máselen, Neapol turǵyndary óńirlik úkimet ǵımaratyn qorshap, komendanttyq saǵatty alyp tastaýdy talap etti. Topty taratý úshin aqyrynda polıtseıler kóz jasaýratatyn gaz qoldanýǵa májbúr bolǵan.

Belgııada sońǵy táýlikte 16 700-den asa adam koronavırýs juqtyrypty. 600-ge jýyq naýqas jan saqtaý bólimine jatqyzylǵan. Epıdemıologııalyq ahýaldyń nasharlaýyna baılanysty bılik karantın talaptaryn kúsheıtken bolatyn. Meıramhanalardy bir aıǵa jaýyp, komendanttyq saǵat engizdi. Alaıda jańa derekter sany azaımaı tur. Aýrýhanalarda oryn tapshy. Sondyqtan shekteý sharalary taǵy da kúsheıtildi. Emhanalarda shuǵyl emes operatsııalar keıinge shegeriledi. Jan saýqtaý bólimderinde 1200 oryn kovıdke shaldyqqan naýqastar úshin saqtalady. Barlyq sporttyq jarys kórermensiz ótedi. Mádenı sharalarǵa 40-tan artyq adam jiberilmeıdi. Kompanııalar men kásiporyndarǵa qashyqtan jumys isteý tártibine kóshýge keńes berilgen. Joǵary oqý oryndarynyń stýdentteri burynǵysha gıbrıdti júıe boıynsha oqıdy. ıAǵnı 20 protsenti ǵana oqý ornyna barady. Qalǵandary qashyqtan bilim alady.

Madrıd turǵyndaryna túngi ýaqytta dalaǵa shyǵýǵa tyıym salyndy. Bul – Ispanııa astanasyndaǵy epıdemologııalyq ahýaldyń nasharlaýyna baılanysty qabyldanǵan jańa shekteýdiń biri, dep habarlaıdy «Habar 24». Sonymen qosa talapqa saı, barlar men meıramhanalardaǵy syıymdylyq 50 protsentten aspaý kerek. Dúkender túngi 10-ǵa deıin ǵana jumys isteıdi. Aıta ketken jón, jýyrda Ispanııada koronavırýsty juqtyrý derekteriniń sany bir mıllıonnan asty.

Kórshiles Reseıde kezekti antırekord. Bul joly bir táýlikte koronavırýsty 17 340 adam juqtyrǵan. Epıdemııa bastalǵaly alǵash ret derekter sany 17 myńnan asyp otyr. Eń kóp juqtyrý burynǵysynsha Máskeýde. Keıingi táýlikte qalada 5 478 adamnan indet izi anyqtalǵan. Bul kúz bastalǵaly eń joǵary kórsetkish. Kórshi elde qyrkúıektiń basynan beri koronavırýsty juqtyrý deńgeıi artyp barady. Epıdemıologııalyq ahýaldyń nasharalýyna qaramastan bılik qaıtadan qatań karantın engizbeıtinin aıtyp otyr.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT