+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Davıd Lorııa: Qazaqstan Týyn kóterip, álem aldynda Ánurandy shyrqaýdan asqan maqtanysh joq

2020 jylǵy 25 qazan 13:01
Bólisińiz:
Davıd Lorııa: Qazaqstan Týyn kóterip, álem aldynda Ánurandy shyrqaýdan asqan maqtanysh joq

NUR-SULTAN. QazAqparat – Birneshe kún buryn qazaqstandyqtar áleýmettik jelilerdegi paraqshalaryna Memlekettik Týdyń aıasyndaǵy fotosýretterin jarııalap, erekshe aktsııa bastady.

«Men Týymdy maqtan etemin» uranymen ótip jatqan bul bastamany Qazaqstannyń kóptegen azamaty qoldady. Osy oraıda óz Otanyna degen súıispenshiligin bildirip, patrıottyq áreketimen eldiń alǵysyna bólenip jatty. Jarııalanymdar arasynda qazaqstandyq fýtbolshy Davıd Lorııanyń memlekettik sımvolǵa kórsetken qurmeti kópshilikti tánti etti. Fotosýrette sportshy Túrkııadaǵy arenada óz eliniń baıraǵyn súıip jatqan sáti kórsetilgen.

Jaqynda fýtbolshy bul fotosýretin óziniń Instagram-daǵy paraqshasynda jarııalap: «Sportshy úshin kók týdy kókke kóterip, kúlli álemniń aldynda Ánurandy shyrqaýdan asqan maqtanysh joq. Memlekettik rámizimiz qasıetti týymyzdy qasterleý – bul Otanǵa, týǵan jerge degen súı̆ispenshilik hám mahabbat. Óz týymdy maqtan tutamyn!», - dep jazdy.

Osydan keıin biz sportshymen habarlasqan edik. Ol atalǵan fotosýrettiń tarıhy jaıynda baıandap berdi.

«Bul fotosýret osydan 8 jyl buryn túsirilgen edi. Ol kezde «Rezespor» quramynda Túrkııa chempıonatynda óner kórsetkenmin. «Karshııakıge» qarsy oıynda match aldyndaǵy shıratý jattyǵýy kezinde trıbýnada Qazaqstannyń Týy ilinip turǵanyn baıqap qaldym. Sol sátte keýdemdi maqtanysh pen qýanysh sezimi kernedi. Kýrorttyq emes shaǵyn ǵana Rıze qalasynda maǵan qoldaý bildirýge kelgen jerlesterimdi kórip, kádimgideı qýanyp qaldym. Qazaqstannyń Týyn kórgende qýanyshym eselene tústi. Deneni shynyqtyrý aıaqtalǵannan keıin, birden trıbýnaǵa qaraı júgirip baryp, Týdy súıdim. Jan tolǵanysymen osyndaı áreket jasadym. Keıinnen basymdy joǵary kóterip, trıbýnadaǵy jerlesterimdi kórdim. Olar men úshin oıyndy tamashalaýǵa kelgen. Oıyn aıaqtalǵan soń, jasaǵan qoldaýlary úshin olarǵa taǵy bir márte alǵysymdy aıttym», - dep eske aldy «Astana» FK klýbynyń atqarýshy dırektory bolyp taǵaıyndalǵan Davıd Lorııa.

Sportshylar shetelde óz elin tanytý úshin kóp ýaqyt boıy zalda shynyǵyp, túrli kedergilerdi eńseredi. Árbir sportshynyń jeńisi – ol birinshi kezekte eldiń mártebesi.

«Sportshy úshin jetistiktiń eń joǵary dárejesi halyqaralyq deńgeıde óz Týyń joǵary kóterilgen kezde baıqalady. Alańda turǵan kezde Ánuran shyrqalyp, óz Týyńa qarap turǵat sátte - aqsha, tanymaldylyq pen basqa da jaǵdaılar umyt bolyp, maǵynasyn joǵaltady. Ánuranyńdy shyrqap turǵanyńda qýatty jan tolǵanysyn sezinesiń», - dedi fýtbolshy.

Aıta keteıik, osy kúnderi «Men Týymdy maqtan etemin» nemese «ıA gorjýs svoım Flagom» degen jazýmen jáne heshtegpen azamattar áleýmettik jelilerde sýretterin jarııalap jatyr.

Facebook, Instagram-da, sondaı-aq YouTube jelisinde de osy bastamaǵa qatysty vıdeolar taraýda. Qoldanýshylardyń biri arnaıy vıdeo ázirlese, endi biri óleń-jyr arnap, ún qosqan.

Sonymen qatar, «Men Týymdy maqtan etemin» aktsııasy aıasynda elordada «Qazaqstan temir joly» ǵımaratynyń syrtynda Memlekettik Týdyń alyp keskini beınelendi.

Aıta keteıik, Davıd Grıgorevıch Lorııa – elordalyq fýtbol mektebiniń tárbıelenýshisi, Qazaqstan quramasy rekordshylarynyń biri.

Lorııa 2009 jyldan beri qazaqstandyq «Jeńis», «Esil», «Shahter», «Ertis», «Qaırat», «Ordabasy» jáne «Lokomotıv» quramynda óner kórsetip, komandamen kúmis medaldardy jeńip aldy. Sondaı-aq túrik «Rızespor», «Qarshııaka», shved «Halmstad» jáne reseılik «Spartak Nalchık» komandalarynda da boldy. Eks-qaqpashynyń esebinde barlyǵy úsh chempıondyq ataq bar.

Qazaqstan jastar quramasy sapynda júrgende Lorııa Nıgerııada ótken Álem chempıonatyna qatysty, ulttyq qurama sapynda Davıd 45 match oınady.

2019 jyly sporttaǵy mansabyn aıaqtaǵan soń, jas maman menedjmentti oqytý boıynsha qurama komandalardyń burynǵy oıynshylary úshin qurylǵan UEFA MIP fýtbol menedjmenti baǵdarlamasy boıynsha kýrsqa qabyldandy.




Bizdiń kanalymyzǵa jazylyńyz:

#Sport   #Qoǵam  
Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT