Dáýren Abaev jastar jylynyń alǵashqy nátıjeleri týraly aıtty

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev Jastar jyly aıasynda atqarylǵan jumystar týraly aıtty, dep habarlaıdy QazAqparat tilshisi.

« Jastar jylyn mindetti túrde qorytyndylaımyz. Qazirdiń ózinde birqatar nátıjeni atap ótýge bolady. Máselen, satyp alý quqyǵynsyz arendalyq páterler sanyn bir myńnan úsh myńǵa deıin arttyramyz. 2021 jylǵa deıin bul páterler Nur-Sultan, Almaty, Shymkent qalalarynda beriledi » , - dep atap ótti mınıstr Úkimette ótken baspasóz máslıhatynda.

Odan bólek, « Jas kásipker « jobasy arqyly el jastary kásipkerliktiń qyr-syryn meńgerip, arnaıy granttar alýda.

« Jas maman « jobasy arqyly elimiz diń 20 JOO men 180 kolledji jańǵyrtylady. Bul da kásibı bilikti mamandardy daıarlaýǵa septigin tıgizedi. « Dıplommen aýylǵa « jobasynda járdemaqy kólemi 70 AEK-ten 100 AEK-ke deıin ósti. Kelesi jyldy volonterlerge arnap, eriktilerdi yntalandyrý jobalary qolǵa alynady « , - dep óz sózin túıindedi D. Abaev.

Buǵan deıin mınıstr jala jabýǵa qarsy zańnama jóninde Elbasy tapsyrmasyna pikir bildirgen edi.