+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Dáýren Abaev turmystyq zorlyq-zombylyq úshin jaza qalaı kúsheıtilgenin túsindirdi

2020 jylǵy 10 qańtar 21:27
Bólisińiz:
Dáýren Abaev turmystyq zorlyq-zombylyq úshin jaza qalaı kúsheıtilgenin túsindirdi

NUR-SULTAN. QazAqparat – «Ashyq dıalog» baǵdarlamasynda QR Aqparat jáne qoǵamdyq damý mınıstri Dáýren Abaev turmystyq zorlyq-zombylyqqa qarsy zań normasynyń ózgeristerine pikir bildirdi, dep habarlaıdy QazAqparat tilshisi.

«Zańdy tolyǵymen zertteseńiz, jazanyń shynymen de kúsheıtilgenin baıqaýǵa bolady. Ekinshiden, bul rette aıyppuldy nelikten alyp tastady? Munda shynaıy ómirdegi jaǵdaılar eskerilgen. Kózińizge elestetip kórińiz: turmystyq zorlyq-zombylyqtyń jábirlenýshisi máselen kúıeýine qarsy aryz jazdy delik. Al kúıeýine aıyppul tóleýge mindetteıdi. Al kúıeýi bul aıyppuldan qutylý úshin aqshany qaıdan alady? Ol aınalyp kelip otbasynyń qarajatyn jumsaıdy. Al keıde tipti jábirlenýshiniń óz qaltasynan alyp, aıyppul tóleýi múmkin. Osyny oılaǵan áıeli aryzdan bas tarta salýdy oılaıdy», - dedi Dáýren Abaev «Ashyq dıalog» baǵdarlamasynda.

Mınıstr bul jaza jaıly aıta kele, jaǵdaıdyń mán-jaıyn eskerý kerektigin atap ótti.

«Іsti sot qaraıdy. Eger sot jón dep tapsa, eshqandaı eskertý de bolmaıdy. Aıypty birden 15 táýlikke qamalady. Onymen qosa bul eskertý tirkelip, zorlyq-zombylyq qaıtalanǵan jaǵdaıda quqyqbuzýshy eskertýsiz 20 táýlikke qamalady. Tórtinshiden, turmystyq zorlyq-zombylyq úshin jaza qalaı kúsheıtildi? Mysaly, júıeli túrdegi zorlyq-zombylyq úshin quqyqbuzýshy 4 jyldan 7 jylǵa deıin bas bostandyǵynan aıyrylady. Densaýlyqqa qasaqana jeńil jaraqat jasaǵan jaǵdaıda qamaý kúni 3-ten 5-ke deıin uzartylǵan», - dedi ol.

Dáýren Abaev jábirlegeni úshin beriletin jaza jeke sıpattan jarııaly sıpatqa ıe bolǵanyn tilge tıek etti.

«ıAǵnı, buryn jábirlenýshi sot úshin dáleldiń bárin ózi jınap júgirse (máelen, sot-medıtsınalyq saraptamadan ótý), búgingi kúni bul ispen polıtsııa aınalysyp, al sotta aıyptaýdy jeke tulǵa emes, prokýror júrgizedi», - dedi ol.

Eske sala ketsek, jyl basynda QR Іshki ister mınıstrligi bylapyt sóıleý, qorlaý, kemsitý jáne otbasyndaǵy zorlyq-zombylyq úshin ákimshilik jaza túrleri ózgeriske ushyraǵan zań normasyn túsindirgen bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT