+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Dáýren Abaev Reseı men Qazaqstan jastary kóshbasshylary forýmynyń jabylý saltanatyna qatysty

2019 jylǵy 8 qarasha 08:51
Bólisińiz:
Dáýren Abaev Reseı men Qazaqstan jastary kóshbasshylary forýmynyń jabylý saltanatyna qatysty

OMBY. QazAqparat - Reseı Federatsııasynyń Omby qalasynda Reseı men Qazaqstannyń jas kóshbasshylary forýmynyń qorytyndy plenarlyq otyrysy ótti. Oǵan Qazaqstan Respýblıkasynyń Aqparat jáne qoǵamdyq damý mınıstri Dáýren Abaev qatysty, dep habarlaıdy QazAqparat mınıstrliktiń baspasóz qyzmetine silteme jasap.

«Men Reseı tarapyna forýmdy jaqsy uıymdastyrǵany úshin alǵys aıtqym keledi. Bıylǵy jyly qazirgi jáne bolashaq jastar saıasatyna jaqsy negiz qalandy. Ózderińiz biletindeı, Qazaqstanda 2019 jyl Jastar jyly bolyp jarııalandy. Osy baǵytta Reseı tarapy bizdi Qostanaıdaǵy forým kezinde jaqsy qoldady. Kelesi jyl «Voloter jyly» dep jarııalandy, sondyqtan biz bul yntymaqtastyqty jalǵastyratynymyzǵa senimdimin. Sonymen qatar, bizdiń halyqtarymyz mańyzdy mereıtoılyq kúndi - Jeńistiń 75 jyldyǵyn atap ótedi», - dedi mınıstr jınalǵandarǵa.

Dáýren Abaevtyń aıtýynsha, mundaı is-sharalar eki eldiń jas kóshbasshylary úshin jas urpaqtyń eń ózekti máseleleri men problemalaryn talqylaýǵa, batyl bastamalar men usynystardy daýystap aıtýǵa, óz jobalaryn júzege asyrýda tájirıbe almasýǵa tamasha múmkindik bolyp tabylady.

Aıta ketý kerek, qorytyndy plenarlyq otyrystyń aıasynda eki el jastarynyń úkimettik emes uıymdary arasynda 7 ekijaqty kelisimge qol qoıyldy.

Budan bólek, eki tarap birqatar birlesken jobalardy, sonyń ishinde voloterlyq is-sharalar tizbesin, Qazaqstan men Reseıdegi eriktiler uıymdary jetekshileriniń qatysýymen Volonterlar keńesiniń birinshi sezin, aýyldaǵy kásipkerlikti damytýdyń birlesken baǵdarlamasyn jáne taǵy basqa ortaq jobalardy júzege asyrýǵa nıet bildirdi.

Eske sala ketsek, Reseı men Qazaqstan jastary kóshbasshylary forýmy alǵash ret ótkizilip otyr. Onda memlekettik organdar men úkimettik emes sektordyń ókilderi, eriktiler, stýdentter, jýrnalıster jáne blogerler qaýymy bas qosty. Bul shara eki eldiń XVI aımaqaralyq yntymaqtastyq forýmy aıasynda ótip jatyr. Jastar jıyny eki kúnge sozyldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT