+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dáýren Abaev: Nesıe berýdegi qyraǵylyq naryqty bir kúndik kompanııalardan tazartady

2019 jylǵy 31 qańtar 21:27
Bólisińiz:
Dáýren Abaev: Nesıe berýdegi qyraǵylyq naryqty bir kúndik kompanııalardan tazartady

ASTANA. QazAqparat - Búgin «Habar» telearnasyndaǵy «Ashyq dıalog» baǵdarlamasynda QR Aqparat jáne kommýnıkatsııalar mınıstri Dáýren Abaev Memleket basshysynyń tóraǵalyǵymen ótken Úkimettiń keńeıtilgen otyrysyna toqtaldy. Onda mınıstr elimizdiń ilgeri damýyna naqty baǵyt-baǵdar berilgenin atap ótti, dep habarlaıdy QazAqparat tilshisi.

«Prezıdent óz sózinde eki kórsetkishti erekshe atap ótti. ıAǵnı, Elbasy memleket jumysynyń tıimdiliginiń basty krıterııi retinde tabys jáne ómir sapasyn basa aıtty. Osynaý sózdiń ishinde Memleket basshysynyń basty talaby da aıqyndalyp otyr. Sol sebepti, negizgi nazar ekonomıkalyq blok pen aımaqtardyń damýyna aýdaryldy. Memleket basshysynyń bıznesti nesıeleý jumysyna mańyz berýine erekshe toqtalýǵa bolady. Bul degenińiz, budan bylaı nesıe óziniń laıyqty ál-aýqatyn kórsete alatyn kompanııalarǵa ǵana beriledi degen sóz. Shynynda da, bul ekonomıkanyń naqty sektoryn bir kúndik kompanııalardan tazartady», - dedi Dáýren Abaev Habar arnasyndaǵy «Ashyq dıalog» baǵdarlamasynda.

Mınıstr sonymen birge Elbasy Úkimet pen jergilikti atqarýshy organdarǵa jeke óndiris salasyna basa mańyz berýdi júktegenin aıtty.

«Bizdiń memlekette resýrstar da, kadrlar da, qarjylandyrý da bar. Máselen, 2019 jyly 13 mln sharshy metr turǵyn úı salý kózdelýde. Qazirdiń ózinde qurylystaǵy qazaqstandyq quramnyń úlesi 77 paıyzdy quraıdy. Bul kórsetkishti degenmen ósirý kerek. Kelesi mysal - aýyl sharýashylyǵy. Bul salada bizde orasan zor básekege qabiletti artyqshylyq bar. Ómirzaq Estaıulynyń baıandamasy (Shókeev -avt.) qaı baǵytqa qaraı qozǵalý kerektigin kórsetip berdi. Eń aldymen, tsıfrlyq tehnologııalar arqyly belsendi túrde naqty jer bólinisi salasy damıtyn bolady. Qazirdiń ózinde aýyl sharýashylyǵy polıgondary joǵary ónimdilikti kórsetýde. Sonymen birge, ıgeriler jerdiń aýqymyn arttyrý josparlanǵan», - dedi ol.

Mınıstrdiń aıtýynsha, Prezıdent Qazaqstandaǵy aýyldar ekonomıkalyq damýdan shet qalmaýy kerektigin aıqyn uqtyrǵan.

«Mine, sondyqtan aýyldardy taza aýyz sýmen, sapaly joldarmen jáne jańa jumys oryndarymen qamtamasyz etý máseleleri kóterildi. Jalpy, Memleket basshysynyń tapsyrmalaryn taldaı otyryp, Úkimetke ary qaraı damý dańǵylyna anyq baǵyt-baǵdar berilgenin, tıimdiliktiń naqty ındıkatorlary qoıylǵanyn atap ótýge bolady. Ol ındıkatorlardyń eń negizgileriniń biri - halyqtyń jasalǵan jumystarǵa kóńiliniń tolýy», - dedi Dáýren Abaev.

Eske sala ketsek, keshe Úkimet úıinde QR Prezıdenti Nursultan Nazarbaevtyń tóraǵalyǵymen Úkimettiń keńeıtilgen quramdaǵy otyrysy ótken bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT