+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Dáýren Abaev: Keıbir adamdar dinniń atyn jamylyp, ekstremızmdi nasıhattap júr

2019 jylǵy 23 qazan 19:25
Bólisińiz:
Dáýren Abaev: Keıbir adamdar dinniń atyn jamylyp, ekstremızmdi nasıhattap júr

NUR-SULTAN. QazAqparat – Aqparat jáne qoǵamdyq damý mınıstri Dáýren Abaev Qazaqstan musylmandary dinı basqarmasy aldynda asa mańyzdy, erekshe jaýapty jumys turǵanyn málim etti, dep habarlaıdy QazAqparat tilshisi.

Uqsas jańalyqtar
QMDB-nyń qarjy qyzmetiniń ashyqtyǵyn qamtamasyz etý qajet – Abaev Metsenattar aýrýhana, jol, kópir sekildi nysandar salýǵa da atsalysýy kerek - mınıstr Qazaqstandyqtar júkti jasóspirimdi kórsetken baǵdarlamany jabýdy talap etti

«Bizde tarıhı turǵyda qalyptasqan ıslam dini birkelkiligimen, tózimdiligimen jáne dástúrimizben astasyp jatýymen erekshelenedi. Alaıda búgin de, ókinishke qaraı, keıbir jekelegen adamdar dinniń atyn jamylyp, ekstremızm men terrorızmdi, dinı fanatızmdi nasıhattap júr. Olar qazaq jerindegi san ǵasyrlyq tarıhy bar ıslamdy, babalarymyz ál-Farabı men Júsip Balasaǵun, Abaı men Shákárim dáriptegen dástúrli dinimizden syrt aınalyp, destrýktıvti dinı aǵymdardyń jeteginde ketti», - dedi Dáýren Abaev elordada ótken ІІІ respýblıkalyq ımamdar forýmynda.

Mınıstr sondyqtan Qazaqstan musylmandary dinı basqarmasy aldynda asa mańyzdy, jaýapty jumys turǵanyn atap ótti.

«Ol - elimizdegi musylman úmbetin qolda bar «altynymyzdyń» qadirin bilýge, ony qasterleýge shaqyrý, babalar murasy – asyl dinimizdi kózdiń qarashyǵyndaı saqtaýǵa úıretý. Oǵan qosa, ıslam dinin ustanýshy azamattarymyzdyń dinı bilimin arttyryp, ǵalamdyq suranystarǵa laıyqty jaýap bere alatyn «sapaly úmbet» tárbıeleý de kezek kúttirmeıtin sharýa. Osy maqsatta bizder naqty jumystardy bastadyq. Búgingi forýmda qabyldanatyn «Jeti rýhanı qazyq» Qazaqstan musylmandarynyń Rýhanı tuǵyrnamasy atty qujat – halqymyzdyń ulttyq rýhanı murasy men qundylyǵyn jańǵyrtyp, buqaraǵa keńinen nasıhattaýǵa arnalǵan», - dedi Dáýren Abaev.

Vedomstvo basshysy sondaı-aq, forýmda «Dinı laýazymdar tizilimi», «Din qyzmetkerleri atqaratyn dinı rásimder reti», «Dinı laýazymdardyń qyzmettik mindettemeleri» atty qujattar qabyldanatynyn atap ótti. Onyń aıtýynsha, bul aýqymdy qujattar – dinı saladaǵy ózekti máselelerdi sheshýge, musylman úmbetiniń rýhanı suranystaryn qanaǵattandyrýǵa, Dinı basqarmanyń bedelin kóterýge, jumysyn júıeleýge oń yqpal etedi.

Aıta ketsek, búgin elordada 500 ımamnyń qatysýymen ІІІ respýblıkalyq ımamdar forýmy ótti. Prezıdent Qasym-Jomart Toqaev forým qatysýshylaryna quttyqtaý hatyn joldady.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT