+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Dáýren Abaev Qazaqstannyń belsendi jastary týraly aıtty

2019 jylǵy 15 qarasha 14:45
Bólisińiz:
Dáýren Abaev Qazaqstannyń belsendi jastary týraly aıtty

ALMATY. QazAqparat – QR Aqparat jáne qoǵamdyq damý mınıstri Dáýren Abaev qazirgi batyrlar, jastar men belsendiler týraly aıtty, dep habarlaıdy QazAqparat tilshisi.

Uqsas jańalyqtar
Ashat Aımaǵambetov Prezıdenttik jastar kadrlyq rezerviniń múshelerimen kezdesti Saıasat Nurbek óskeleń urpaqqa qajet bes daǵdyny atady SQO-da kúzde 500-den astam adam ásker qataryna shaqyrylady

«Men jastarǵa senemin!» Respýblıkalyq jastar forýmynda sóz sóılegen aqparat mınıstri ózi oqyǵan ýnıversıtetke jyly lebizin bildirdi.

«Birinshiden men osy keremet sharada sóz sóılegenime óte qýanyshtymyn. Ekinshiden respýblıkalyq forýmnyń men oqyǵan ýnıversıtet qabyrǵasynda ótip jatqanyna rıza bolyp turmyn. Dál osy JOO–da meniń ómirimniń eń qyzyqty, belsendi, kóńildi jyldary ótti. QazUÝ - bul elimizdiń bilim berý flagmany ǵana emes, ol joǵary suranysqa ıe oqý orny. Bul jerdiń aýrasy erekshe. Bul qarashańyraq dosqa adal bolýǵa, shyǵarmashylyǵyńdy shyńdaýǵa, kishipeıl bolýǵa, adamzat qundylyqtaryn baǵalaýǵa úıretedi», - dedi Dáýren Abaev óziniń quttyqtaý sózinde.

Onyń aıtýynsha, forým táýelsiz elde týǵan jastardyń basyn qosty.

«Kez kelgen halyqty tanýdyń bir ádisi — sol halyqtyń maqal–máteli men naqyl sózderin zerdeleý. Baıqasańyzdar, qazaqtyń jastarǵa baılanysty naqyl sózderi men mátelderi tek jaǵymdy maǵynada eken. Osydan-aq, halqymyzdyń jastarǵa degen erekshe yqylasyn ańǵarýǵa bolady. Biz «Aqyl - jastan, asyl - tastan» dep, jastarymyzdyń aqylyna qulaq asatyn halyqpyz. Sondyqtan egemendi el jastarǵa aıyryqsha kóńil bóledi. Elbasynyń bastamasymen bıylǵy jyldyń «Jastar» jyly dep jarııalanýy osyǵan dálel. Bul jastar keń kólemde memlekettik qoldaýǵa ıe boldy. Elimizde «Jas maman», «Dıplommen aýylǵa», «Serpin», «Jastar tájirbıesi» baǵdarlamalary tabysty jumys jasaýda», - dedi aqparat mınıstri

Forým barysynda, Dáýren Abaev BQO Taıpaq aýylynda janyp jatqan úıden eki adamdy qutqarǵan 17 jastaǵy Mıras Júnisovtiń erligin atap ótti.

«Jergilikti tótenshe jaǵdaılar departamenti ol jigitke bolashaqta qutqarýshy bolýǵa keńes berdi. Mıras úlken erlik jasady. Ol eki adamnyń ómirin qutqardy. Olardyń biri – bala. Búgingi kúni jas jigit kópke úlgi. Bireýge jaqsylyq jasasań ol mindetti túrde ózi eki ese bolyp qaıtady. Osyny umyptaý kerek», - dep qorytyndylady Dáýren Abaev.

Buǵan deıin «Men jastarǵa senemin!» Respýblıkalyq jastar forýmynda vıtse-premer Berdibek Saparbaev jastarǵa úndeý tastaǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT