+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Dáýren Abaev: Beıbit eldiń batyrlaryn esten shyǵarmaý - ortaq paryz

2019 jylǵy 5 maýsym 14:11
Bólisińiz:
Dáýren Abaev: Beıbit eldiń batyrlaryn esten shyǵarmaý - ortaq paryz

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev 2016 jyldyń 5 maýsymynda Aqtóbedegi terakti kezinde qaza tapqan beıbit eldiń batyrlaryn eske aldy, dep habarlaıdy QazAqparat.

«2016 jyldyń 5 maýsymy - elimizdiń tarıhynda qaıǵyly kún retinde este qalady. Osydan týra 3 jyl buryn beıbit eldiń aspanynda oq atyldy, jazyqsyz jandar japa shekti. Aqtóbedegi terakt turǵyndardyń tynyshtyǵyn buzdy. Teris dinı aǵymnyń jetegine ergen lańkestik toptyń músheleri qaladaǵy eki qarý-jaraq dúkenin tonap, áskerı bólimge shabýyl jasady. Olardyń qolynan 4 beıbit turǵyn men 3 áskerı qyzmetker qaza tapty: Andreı Maksımenko, Nıkolaı Onıenko, Merhan Tájibaev, Mıhaıl Matrosov, Dosbol Sapar, Danıel Maılybaev, Berik Qalıev», - dep jazdy Dáýren Abaev Facebook-tegi paraqshasynda.

Mınıstr quqyq qorǵaýshylar men arnaıy organnyń qyzmetkerleri birqatar lańkestiń kózin joıǵanyn, qolǵa túsken 7 adam ómir boıy bas bostandyqtarynan aıyrylǵanyn, ekeýi 20 jáne 22 jylǵa sottalǵanyn eske salady.

«Joǵary tehnologııalar qarqyndy damyǵan búgingi kezeńde, keıde eń mańyzdy dúnıelerdi de esten shyǵaryp alyp jatamyz. Beıbit kúnniń jazyqsyz qurbandary men beıbit eldiń batyrlarynyń esimin esten shyǵarmaý bárimizdiń paryzymyz dep oılaımyn. Kúlli musylmandar qaýymy úshin qasıetti sanalatyn osy aıda, Aqtóbedegi terakt kezinde qaza bolǵan azamattardyń týǵan-týystary men jaqyndarynyń qaıǵysyna biz de ortaq ekenimizdi aıtqym keledi. Alla sizderge sabyr bersin, eńselerińizdi túsirmeńizder, bekem bolyńyzdar. Sizderdiń ákelerińiz ben aǵalaryńyzdyń, uldaryńyzdyń esimi eshqashan umytylmaıdy», - deıdi Dáýren Áskerbekuly.

Eske salsaq, 2016 jyly 5 maýsymynda Aqtóbe qalasynda lańkestik oryn aldy. Bir top lańkes qaladaǵy «Pallada» men «Pantera» qarý-jaraq dúkenderine jáne №6655 áskerı bólimine shabýyl jasaǵan. Sonyń saldarynan 8 adam, onyń ishinde 3 áskerı qyzmetshi qaza tapty. 30 adam, onyń ishinde 14 beıbit turǵyn jaraqattandy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT