+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Dáýren Abaev: Altyn Orda medreseleri din men ǵylymdy qatar oqytqan

2021 jylǵy 28 mamyr 17:48
Bólisińiz:
Dáýren Abaev: Altyn Orda medreseleri din men ǵylymdy qatar oqytqan

NUR-SULTAN. QazAqparat – «Ulyq Ulys - Altyn Orda: bastaýy, tarıhy jáne murasy» atty halyqaralyq ǵylymı-tájirıbelik konferentsııaǵa qatysqan Prezıdent ákimshiligi jetekshisiniń birinshi orynbasary Dáýren Abaev Altyn Orda órkenıeti din men ǵylymdy bir-birine qarsy qoımaı damytqany týraly derekter keltirdi, dep habarlaıdy QazAqparat tilshisi.

Uqsas jańalyqtar
Atyraý jerinde Joshy ulysynan shyqqan 7 han bılik qurǵan «Ejelgi dáýirden búginge deıingi Qazaqstan tarıhy» atty akademııalyq basylym jaryq kóredi Mahambet Dosmuhambetov: Saraıshyqqa jylyna 700 myń týrıst tartamyz

«Altyn Ordada memlekettik basqarý men logıstıkanyń tıimdi júıesi qurylǵany tarıhtan belgili. Sonyń biri – jámshik qyzmeti. Ol keıinnen birneshe ǵasyr boıy Reseıde keńinen qoldanyldy. Sondaı-aq «darýǵa» dep atalatyn azamattyq ákimshiliktiń júıeli jumysy da osyǵan mysal bola alady», - dedi Prezıdent ákimshiliginiń ókili.

Sondaı-aq, ol Altyn Orda ımperııasynda qalyptasqan ǵylym-bilim ǵurpy sońynda qalǵan memleketterge úlken mura qaldyrǵanyn aıtty.

«Ózbek pen Jánibek handardyń bılik qurǵan ýaqytynda Altyn Ordaǵa kóptegen elden ǵalymdar aǵylyp kelip jatqany kópshilikke aıan. Sonymen birge qanshama medreseler salynyp, ol jerde tek dinı ilim emes, matematıka, medıtsına jáne basqa da ǵylymdar úıretilgen», - dedi Dáýren Abaev.

Onyń paıymynsha, qazir Eýrazııa keńistigindegi elderdiń qoǵamdy uıystyrýǵa paıdalanyp otyrǵan dıalog mádenıeti de sol kezeńnen mura bop jetken.

«Eýrazııa kindiginde oryn tepken alyp ımperııa – Altyn Ordanyń quramynda o bastan-aq tili, dinı senimi men salt-dástúri ártúrli halyqtar ómir súrdi. Olardyń eki ǵasyr boıy bir memlekette birge tirshilik etýi dıalog mádenıetiniń, rýhanı baılyqtyń jáne ózgege degen qurmettiń kórkem úlgisine ulasty.Etnosaralyq qatynastardy retteý, birtutas azamattyq ult qurý isiniń qazaqstandyq modelinen Altyn Ordalyq qaǵıdatty kórýge bolady. Munda birlik – birkelkilik degendi bildirmeıdi», - deıdi Prezıdent ákimshiligi jetekshisiniń birinshi orynbasary.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT