+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Dastan Orazbekov: Topjargan – talanttylardyń talasqa túsip, tanylatyn alańy

2019 jylǵy 17 qazan 10:14
Bólisińiz:
Dastan Orazbekov: Topjargan – talanttylardyń talasqa túsip, tanylatyn alańy

NUR-SULTAN. QazAqparat - Talanttylardyń tobyn qurǵan «Topjargan» jobasynyń ekinshi maýsymyn «Habar» telearnasynan ár senbi saıyn, saǵat 19.20-da tamashalaı alasyzdar, dep habarlaıdy QazAqparat.

«Habar» agenttiginiń eń aýqymdy jobalarynyń biri, birinshi maýsymy kóptiń kóńilinen shyqqan «Topjargan» mýzykalyq jobasynyń kezekti shyǵarylymyn jiberip almańyzdar. Elimizdiń túkpir-túkpirindegi talantty jastardyń baǵyn ashatyn mýzykalyq shoýyn - «Habar» arnasynan, sondaı-aq, YouTube jelisindegi HabarShow arnasynan live rejiminde, ár senbi saıyn saǵat 19.20-da tamashalaı alasyzdar.

Joba qatysýshylarynyń deni talǵamy men talanty basym túsken jandar dep aǵynan jaryldy, tóreshiler tizginindegi estrada ánshisi Dastan Orazbekov.


«Qatysýshylarymyzdyń deńgeıi qýantatyn jaǵdaı. Kóbinde zamanaýı ánderge toqtalyp jatqany qýantady. «Topjargan» jobasy - talantty ánshilerdiń alańyna aınala bildi, birtalaı ózin ózi kórsete almaı júrgen, tanyta almaı júrgen ánshilerimige múmkindik syılaı bildi. Naqtyraq aıtsam, Topjargan – talanttylardyń talasqa túsip, tanylatyn alańy.. Men úshin eń qıyny – bireýdiń taǵdyryn bir jaqqa qaraı buryp, aqaýyn betine aıtý. Biraq biz sol úshin de tóreshimiz. Ony seskenip, eger uıalshaqtap, aıaýshylyq tanytsaq - erkelikpen tamaqtandyratyn sııaqtymyz. Sol sebepti ádilettilikti aldyǵa qoıyp, durys tańdaý jasaýǵa tyrysyp baǵamyn», - dedi ánshi Dastan Orazbekov.

Bıylǵy jylǵy «Topjarǵan» mýzykalyq báıgesine shet eldik ánshiler de qatysyp, baǵyn synaýda. Esesine, tartystyń kórigi qanyǵyraq, júldeniń ıisi anyǵyraq bolatyny sózsiz. Asyǵy alshysynan tússin deıtin, jeńimpaz tuǵyrynda tursyn deıtin óz tańdaýyńyzdy jasaǵyńyz kelse – ár senbi saıyn «Habar» arnasynan kórigi qyzǵan konkýrsty tamashalańyz.

Aıta keteıik, «Topjargan» mýzykalyq shoýyna qatysýshylar jeńimpaz ataný úshin ózara saıysqa túsedi. Ár kezeńde oza shapqan tórt qatysýshy mártebeli orynǵa jaıǵasady jáne óz bıiginen tómendemeý úshin bar ónerin pash etedi. Al sońǵy kezeńge jetken qatysýshylardyń ónerin kórermen daýys berý arqyly baǵalaı alady.

«Topjargan» mýzykalyq shoýyn - «Habar» arnasynan, sondaı-aq, YouTube jelisindegi HabarShow arnasynan live rejiminde, ár senbi saıyn saǵat 19.20-da tamashalaı alasyzdar.

Bizdiń kanalymyzǵa jazylyńyz:

Basty sózder: Mádenıet, BAQ,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT