+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Daryn Qonysbaev trıatlonnan Azııa chempıony atandy

2021 jylǵy 18 qyrkúıek 19:51
Bólisińiz:
Daryn Qonysbaev trıatlonnan Azııa chempıony atandy

ChOLPON-ATA. QazAqparat - Búgin Qyrǵyzstannyń Cholpon-Ata qalasynda trıatlon sprıntten Azııa chempıonaty ótti. 60 sportshy qatysqan básekede Qazaqstan komandasy sátti óner kórsetti dep habarlaıdy QazAqparat Olympic.kz-ke silteme jasap.

Áıelder arasyndaǵy synda qazaqstandyq Ekaterına Shabalına kúmis júldeger atandy. Ol olımıadalyq qashytqtyq boıynsha Azııa chempıonatyndaǵy úzdik altylyqqa engen. Birinshiliktiń altyn jáne qola júldesin japonııalyq Sarıka Nakaıama men Chısato Nakadjıma ıelendi.

«Jeńis tuǵyrynan kóringenim úshin qatty qýanyshtymyn. Bul meniń alǵashqy jeńisterimniń biri. Sońyna deıin jumys istedim. Maǵan jol kórsetken bapkerlerime rahmet», - deıdi Ekaterına Shabalına.

Komandanyń ózge de músheleri Nadejda Bekmaǵanbetova 4-shi, ıÝlııa Ozerova 8-shi orynnan kóringen.

Erler arasyndaǵy básekede eki qazaqstandyq sportshy tuǵyr bıigine kóterildi. Komanda úzdigi Daryn Qonysbaev Azııa chempıony atansa, Aıan Beısenbaev qolany qanaǵat tutty. Japondyq Kıotaro Ioshıkava kúmis júldeger qatarynda.

«Bul meniń Azııa chempıonatyndaǵy alǵashqy jeńisim. Jarys jospar boıynsha ótti. Júzýden nátıjem jaqsy bolǵan joq. Degenmen, velojarys kezinde qarsylastarymdy qýyp jettim. Al júgirý bastalǵanda ózimniń úzdik úshtikke enetinimdi sezdim. Shyny kerek, basqa qarsylastaryma qaraǵanda maǵan jarystyń jeńil ótip jatqanyn baıqadym. Jeńisim úshin qýanyshtymyn», - deıdi Daryn Qonysbaev.

Meıirlan Ysqaqov 7-shi, Temirlan Temirov 8-shi satyda.

15 jasqa deıingi sportshylar arasynda jeńisti qazaqstandyq sportshylar ózara bólisti. Nıkıta Dýbınskıı altyn, Stanıslav Glok kúmis, Tımýr Bákirov qola júlde jeńip aldy.

Qyzdar arasyndaǵy synda qazaqstandyq Dıana Erjanova top jardy. Taǵy bir qazaqstandyq sportshy Angelına Redchenko úzdik úshtikti tuıyqtady.

Bizdiń kanalymyzǵa jazylyńyz:

#Sport  
Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT