+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dárini qymbat baǵaǵa satý faktileri: QR ІІM barlyq óńirde reıd ótkizýde

2020 jylǵy 6 shilde 14:07
Bólisińiz:
Dárini qymbat baǵaǵa satý faktileri: QR ІІM barlyq óńirde reıd ótkizýde

NUR-SULTAN. QazAqparat - QR Prezıdenti Qasym-Jomart Toqaevtyń tapsyrmasymen Іshki ister mınıstrligi dári-dármekterdiń baǵasyn qymbattatý faktilerin anyqtaý boıynsha reıdter ótkizdi, dep habarlaıdy QazAqparat tilshisi.

«Reıd barysynda dári-dármekterdi jappaı satyp alýdy uıymdastyrǵan adamdar anyqtaldy. Olar dári-dármektiń jasandy tapshylyǵyn týdyryp, keıin dárilerdi naqty qunynan birneshe ese artyq baǵamen qaıta satqan. Dári-dármekterdi qaıta satýdyń kóptegen faktileri elimizdiń barlyq óńirinde anyqtaldy. Pysyqaı azamattar dári-dármekterdi fıskaldy chekterdi shyǵarmaı satqan. Saldarynan adamdar dárilerdi qymbat baǵaǵa alýǵa májbúr bolǵan», - dep atap ótedi mınıstrlikten.

Máselen, vedomstvo málimetinshe, Nur-Sultan qalasynda polıtseıler qorǵanys quraldaryn zańsyz satýdyń jolyn kesti. Jergilikti turǵynnan medıtsınalyq maskalar, kombınezondar, termometrler, medıtsınalyq kózildirikter men antıseptıkalyq quraldar tárkilendi.

Taǵy bir jaǵdaıda áıel adam ınternet-resýrsta habarlandyrý berip, Paratsetamol, Ingavırın, Tseftrıakson, Azıtromıtsın sııaqty asa qajetti dári-dármekterdi zańsyz satqan. Elordadaǵy saýda, oıyn-saýyq ortalyqtarynyń biriniń turaǵynda onyń avtokóliginen atalǵan dárilik preparattary bar eki qorap tabyldy.

Shymkent qalasynda Levomak medıtsınalyq preparatyn 12 000 teńgege satqan jergilikti turǵyn polıtsııaǵa jetkizildi. Ol dári baǵasyn óz baǵasynan 6 ese qymbatqa satqan. Dárihanada provızor bolyp jumys isteıtin Shymkent qalasynyń taǵy bir turǵyny Deksametazon-Adjıo preparatynyń ampýlalaryn 5 000 teńgeden bergen, negizgi baǵasy - 600 teńge.

Al Túrkistan oblysynda er adam Askorbın qyshqylyn 5 000 teńgeden satqan, onyń negizgi baǵasy - 250 teńge.

Osyǵan uqsas faktiler Almaty qalasynda, Aqmola, Aqtóbe, Atyraý, Shyǵys Qazaqstan, Jambyl, Batys Qazaqstan oblystarynda anyqtalyp otyr.

Reıdtiń alǵashqy kúninde polıtsııa ýchaskelerine 21 adam jetkizildi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT