+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dárilik zattardy zańsyz satqan 21 adam ustaldy

2020 jylǵy 6 shilde 14:13
Bólisińiz:
Dárilik zattardy zańsyz satqan 21 adam ustaldy

NUR-SULTAN. QazAqparat - Elimizdiń barlyq óńirinde dárilik zattardyń zańsyz saýdasynyń aldyn alýǵa baǵyttalǵan reıd ótkizilip, 21 adam ustaldy. Bul týraly QR Іshki ister mınıstrliginen málim etti, dep habarlaıdy QazAqparat tilshisi.

Vedomstvo málimetinshe, 5 shilde kúni karantın ýaqytynda qajetti dári-dármekterdiń jetispeýshiligin paıdalanyp, respıratorly-vırýstyq aýrýlardy emdeýge arnalǵan preparattardy joǵary baǵamen satqan dárihana qyzmetkerleri men azamattardy anyqtaý úshin barlyq óńirde reıd júrgizilgen.

«Reıdtik is-sharalardyń birinshi kúni polıtsııaǵa barlyǵy 21 adam jetkizildi. Olardan 3500-den astam dárilik zat tárkilendi. Onyń ishinde 2100 qorap Atsetılsalıtsıl qyshqyly, 589 qorap Paratsetamol, 230 ampýla Tseftrıakson bar. Sondaı-aq 17 800 medıtsınalyq maska, bir ret qoldanylatyn 60 qolǵap, 105 qorǵanys halaty (kombınezondar), 80 qorǵanys kózildirigi, 79 termometr jáne 100-den astam antıseptıkalyq qural (300 lıtr) tárkilendi», - dep atap ótedi mınıstrlikten.

Barlyq anyqtalǵan faktiler boıynsha qoldanystaǵy zańnamaǵa sáıkes quqyqtyq baǵa beriledi.

«Іshki ister mınıstrligi dári-dármekterdi zańsyz satýǵa tap bolǵan azamattardy, sondaı-aq mundaı faktiler anyqtalǵan jaǵdaıda jaqyn jerdegi aýmaqtyq polıtsııa bólimshelerine nemese 102 jáne 112 telefondary arqyly habarlaýǵa shaqyrady. Reıdtik is-sharalar jalǵasýda», - dedi QR ІІM baspasóz qyzmetinen.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT