+7 (701) 759 90 19 Lenta
USD 387.34 EUR 428.44
RUB 6.04 CNY 54.58
Jańalyqtar

Dárihanany zańsyz teksergen qyzylordalyq polıtseıler jaýapqa tartylady

2019 jylǵy 21 tamyz 19:10
Bólisińiz:
Dárihanany zańsyz teksergen qyzylordalyq polıtseıler jaýapqa tartylady

QYZYLORDA. QazAqparat - Qyzylordada polıtsııa qyzmetkerleri dárihanaǵa zańsyz tekserý júrgizgen. Bul derekti Qarmaqshy aýdandyq prokýratýrasy anyqtady, dep habarlaıdy QazAqparat tilshisi.

Uqsas jańalyqtar

Polıtsııa qyzmetkerleri kásipkerdiń dárihanasynan «Ketanov» dárisi jáne «Geparın» jaqpamaıyn satyp alǵan tutynýshydan jaýap alǵan. Nátıjesinde dárilik zattar retseptisiz satylǵan degen uıǵarym jasalǵan. Soǵan baılanysty dárihanaǵa tekserý jumystary júrgizilgen. Degenmen, atalmysh dári men jaqpaımaı quramynda esirtki jáne psıhotroptyq zattary bar dáriler tizimine kirmeıdi.

«Dárihana qyzmetin teksermes buryn polıtsııa qyzmetkerleri tutynýshydan dárilik zattardy alý kezinde oǵan qosa tirkeletin nusqaýlyqpen tanysýy tıis edi. Sol arqyly quramynda esirtki jáne psıhotroptyq zattardyń bar-joǵyn bilýge tolyq múmkindigi bolǵan. Soǵan qaramastan, olar jeke kásipkerdiń qyzmetine tekserýdi bastaǵan. Polıtsııa qyzmetkerleri Kásipkerlik kodekstiń 154-baby 2-tarmaǵynyń talaptaryn buza otyryp, jeke kásipker qyzmetinde tekserý nysanasyna jatpaıtyn másele boıynsha zańsyz tekserý áreketterin júrgizgen», - dep málim etti Qarmaqshy aýdanynyń prokýratýrasynan.

Prokýrordyń narazylyǵymen kásipkerge qatysty Ákimshilik quqyqbuzýshylyq týraly kodekstiń 426-baby 1-bóligimen 328 myń teńge mólsherindegi ákimshilik aıyppul salý týraly qaýlynyń kúshi joıyldy. Oblystyq Polıtsııa departamentine zań buzýshylyqtardy aldaǵy ýaqytta boldyrmaýǵa jáne kináli polıtsııa qyzmetkerlerin jaýapqa tartý týraly usyný engizildi.


Bizdiń kanalymyzǵa jazylyńyz:

Basty sózder: Aımaq, Qyzylorda oblysy,
Bólisińiz:

Aýdarma:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT