+7 (701) 759 90 19
USD 412.10 EUR 454.34
RUB 5.82 CNY 57.62
Jańalyqtar

Dárigerlerge ústemaqy taǵaıyndaý otandyq medıtsınaǵa degen senimniń artqany - Birjan Baıtýov

2020 jylǵy 1 sáýir 17:03
Bólisińiz:
Dárigerlerge ústemaqy taǵaıyndaý otandyq medıtsınaǵa degen senimniń artqany - Birjan Baıtýov

TÚRKІSTAN. QazAqparat - Medıtsına qyzmetkerlerine ústemaqy taǵaıyndaý otandyq medıtsınaǵa degen senimniń artqany dep bilemin. Aıtysker aqyn, «Daryn» jastar syılyǵynyń ıegeri Birjan Baıtýov Memleket basshysynyń tapsyrmasyna sáıkes koronavırýsqa qarsy kúresip júrgen dárigerlerge qoldaý kórsetý jónindegi tapsyrmasyna oraı osyndaı pikir bildirdi, dep habarlaıdy QazAqparat.

«Qazirgi tańda elimizde engizilgen tótenshe jaǵdaı kezinde aýyr indetpen kúresip júrgen mamandardyń biri – medıtsına qyzmetkerleri. Olar aty jaman indet taralǵan sátten bastap jan aıamaı kúresip keledi. Osyndaı sátte dárigerlerge aıtar alǵysymyz mol. Sebebi, qara bastarynyń qamy úshin emes, elge tıgizer paıdasy men halyqtyń jan amandyǵy úshin kún-tún demeı qyzmet etip keledi.

Memleket basshysy Qasym-Jomart Toqaevtyń tapsyrmasy boıynsha medıtsına qyzmetkerlerine ústemaqy taǵaıyndalatyn bolady. Qyry men syry kóp maman ıelerine memleket tarapynan mundaı járdemniń kórsetilgeni – olardyń eńbeginiń elengeni dep bilemin», - deıdi Birjan Baıtýov.

Onyń aıtýynsha, qazir dárigerlerdiń arqasynda koronavırýs ınfektsııasynan emdelgender qatary artyp keledi.

«Ózgeniń qýanyshyna ortaqtasyp, qosylyp qýana bileıik. Óıtkeni aq halatty abzal jandardyń arqasynda elimizde dertten aıyqqan jandardyń sany 26-ǵa jetti (1 sáýir kúni 13:00-degi jaǵdaı boıynsha). Bul kórsetkish aldaǵy ýaqytta artyp, elimiz tolyqtaı aýyr dertten arylatynyna senemin.

Medıtsına qyzmetkerlerine ústemaqy taǵaıyndaý otandyq medıtsınaǵa degen senimniń artqany dep bilemin. Senim aqtalyp, el ishinde turaqtylyq ornaıtyn kúnge birge jeteıik!», - dedi ol.

Eske sala ketsek, Memleket basshysy Qasym-Jomart Toqaev koronavırýspen kúresip jatqan medıtsına qyzmetkerlerine kómek kórsetý týraly tapsyrma bergen edi. Osyǵan oraı Úkimet basshysy Asqar Mamın memlekettik komıssııanyń otyrysyn ótkizip, onda arnaıy sheshim qabyldady. Atalǵan sheshimge sáıkes medıtsına qyzmetkerleri jumysynyń qaýiptiligine qaraı 3-topqa bóline otyryp, olardyń jalaqysyna ústemeaqy qosylady.


Foto: mail.kz
Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT