+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dárigerlerdiń janaıqaıy: Búırekterińiz ben baýyrlaryńyzdy saqtańyzdar!

2020 jylǵy 5 shilde 10:03
Bólisińiz:
Dárigerlerdiń janaıqaıy: Búırekterińiz ben baýyrlaryńyzdy saqtańyzdar!

NUR-SULTAN. QazAqparat - Qazaqstandyq dárigerler men Densaýlyq saqtaý mınıstrliginiń basshylyǵy áleýmettik jelilerdegi akkaýnttarynda «janaıqaıyn» jarııalap, el turǵyndaryna Whats App arqyly emdelýdi doǵarýdy, bir-birine koronavırýsty «emdeý hattamalaryn» taratpaýdy ótinýde, dep habarlaıdy QazAqparat tilshisi.

Uqsas jańalyqtar
1 mln naýqasty qamtamasyz etetin dári-dármek satyp alynǵan SK-Farmatsııa COVID-19-dy emdeıtin dári-dármektiń 91 túrin satyp alǵan Qostanaı oblysyna dári-dármektiń kezekti partııasy jetkizildi

«Barlyǵyn doǵarýlaryńyzdy ótinemin! Whats App arqyly taraǵan habarlamalarmen emdelmeńizder! Bireýler jibergen «emdeý hattamasyn« taratýdy qoıyńyzdar», - dep jazdy dáriger, Otbasylyq dárigerler qaýymdastyǵynyń oqytýshy-keńesshisi Elena Hegaı.

Sonymen qatar ol áriptesterin úı jaǵdaıynda Deksametazon men Prednızolon dárilerin taǵaıyndaýǵa, sonymen qatar úıde ishýge 8-15 preparat jazyp berýdi qoıýǵa shaqyrdy.

«Ambýlatorlyq kezeńde negizgi nazar sımptomdar men belgilerge, sımptomdyq emdeýge (jyly suıyqtyqty úzdiksiz ishý, tolyqqandy emdeý jáne teńgerimdi tamaqtaný) aýdarylyp, qarqyndy baqylaý júrgizilýi tıis. Dárileri - Ibýprofen nemese paratsetamol», - dep keńes beredi ol.

E.Hegaıdyń atap ótýinshe, tipti antıbıotıktiń ózi naýqastardyń basym bóligine aýrýdyń alǵashqy 7-10 kúninde taǵaıyndalýy tıis.

«Eger ol (antıbıotık) taǵaıyndalǵannyń ózinde tek bir preparatqa ǵana jáne tabletka túrinde», - dedi dáriger.

Dárigerlerdiń atap ótýinshe, búgingi kúni COVID-19-ǵa qarsy tıimdiligi dáleldengen birde-bir dári joq. Atsıklovır gerbes tobyna kiretin vırýstarǵa qarsy qoldanǵanda ǵana tıimdi. Al Oseltamıvır tumaýǵa ǵana paıdaly.

«Búırekterińiz ben baýyrlaryńyzdy saqtańyzdar. Ol tynys alý jetispeýshiligi jáne basqa da sımptomdar órshigen kezde statsıonarǵa jatatyndar úshin asa qajet bolady. Óıtkeni, olarǵa preparattar óte kóp egiledi. Mundaıǵa qandaı búırek, qandaı baýyr shydas bermek? Adamdar COVID-19 aýrynyń ózinen ǵana emes, sonymen birge medıtsınalyq kómek alýdyń barlyq kezeńindegi aıaýsyz emdelýdiń saldarynan ólip qalýy múmkin», - dedi dáriger.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT