Dárigerlerdiń jalaqysy taǵy 30 paıyzǵa artady
2022 jylǵy 18 mamyr 12:30

Dárigerlerdiń jalaqysy taǵy 30 paıyzǵa artady

NUR-SULTAN. QazAqparat – 2023 jyly medıtsına qyzmetkerleriniń jalaqysy 30 paıyzǵa artady. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysy jalpy halyqtyń, onyń ishinde medıtsına qyzmetkerleriniń ál-aýqatyna kóp kóńil bóledi. Osyǵan baılanysty: 2021 jylǵy 1 qańtardan bastap 247 myń medıtsına qyzmetkeriniń jalaqysy ósken bolatyn. 2022 jyly dárigerlerdiń jalaqysy ortasha eseppen 30 paıyzǵa, ol 400 myńnan astam, orta medıtsına personalynyń jalaqysy 20 paıyzǵa, ol 200 myń teńgeden astamǵa artty», - dedi ol Ortalyq kommýnıkatsııalar qyzmetinde ótken baspasóz máslıhatynda.

Sonymen qatar mınıstr keler jyly da medıtsına qyzmetkerleriniń jalaqysyn kóterýge qarajat qarastyrylyp qoıǵanyn aıtty.

«2023 jyly dárigerler jalaqysyn ortasha eseppen 30 paıyzǵa, orta medıtsına personalynyń jalaqysyn 20 paıyzǵa arttyrý josparlanyp, qazirgi ýaqytta qarajat qarastyryldy», - dedi Ajar Ǵınııat.


Uqsas jańalyqtar

Jańalyqtar

Úrdis

MURAǴAT