+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Dárigerlerdiń bedelin halyq kóteredi – Qostanaı turǵyny

2020 jylǵy 5 tamyz 20:41
Bólisińiz:
Dárigerlerdiń bedelin halyq kóteredi – Qostanaı turǵyny

QOSTANAI. QazAqparat – Qostanaı oblysynyń turǵyny Batyrbek Bıkenov qıyn sátte kásibı sheberligin kórsetken jedel járdem qyzmetine alǵys bildirdi, dep habarlaıdy QazAqparat.

Batyrbek Bıkenovtiń otbasy 22 shilde kúni Qostanaıdaǵy jedel járdem qyzmetine júgingen.

«Jubaıym syrqattanyp qalyp, birden «103» jedel nómirine habarlastym. Úıimizge feldsher men medbıke kelip, tıisti em-dom sharalaryn jasady. Áıelimdi emhanaǵa alyp baryp, der kezinde medıtsınalyq kómek kórsetti. Bul rette jedel járdem qyzmetiniń asqan sheberligine tánti boldym. Qazir ekiniń biri dárigerlerdi synaýǵa daıyn turady ǵoı. Neshe túrli oqıǵalardyń kýási bolyp júrmiz. Biraq, jan qınalǵanda osy aq halatty abzal jandar qasymyzdan tabylady. Osy sátte oblys turǵyndaryn barsha medıtsına qyzmetkerlerin qoldaýǵa, qurmetteýge shaqyramyn. Dárigerlerdiń bedelin halyq kóteredi. Endeshe, birligimizdi kórsete bereıik. Bizge kómekke kelgen feldsher jigitke BAQ arqyly alǵysymdy bildirgim keledi», - dedi Batyrbek Qashqynbaıuly agenttik tilshisine.

Oblystyq densaýlyq saqtaý basqarmasynyń baspasóz qyzmeti sol kúni Batyrbek Bıkenovtiń shańyraǵyna barǵan mamandy izdep tapty. Tez arada kásibı sheshim qabyldap, syrqattanǵan janǵa kómegin tıgizgen qalalyq jedel járdem qyzmetiniń feldsheri ıÝrıı Petrýshın bolyp shyqty. Feldsher agenttik tilshisimen telefon arqyly áńgimeleskende kezekti shaqyrtýyna bara jatty.

«Bizdiń basty mindetimiz – qıyn jaǵdaıǵa tap bolǵan adamdarǵa kómektesý. Bıkenovter shańyraǵyna da osy múddeni kózdep bardyq. Qazir patsıenttiń jaǵdaıy jaqsy. Bastapqyda jedel medıtsınalyq sharalar qabyldandy. Mundaı jumysymyz jalǵasa beredi», - dep qysqa jaýap berdi feldsher.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT