+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Dárigerlerdiń aıtqanyn tyńdaýymyz kerek – Qazaqstannyń bas ravvıni

2021 jylǵy 13 mamyr 21:57
Bólisińiz:
Dárigerlerdiń aıtqanyn tyńdaýymyz kerek – Qazaqstannyń bas ravvıni

ALMATY. QazAqparat – Qazaqstannyń bas ravvıni Eshaıa Kogen koronavırýs ınfektsııasyna qarsy jappaı vaktsınatsııa týraly oıyn bildirdi, dep habarlaıdy QazAqparat tilshisi.

Uqsas jańalyqtar
Almaty ákimi: Koronavırýsty 20-39 jas aralyǵyndaǵy jastar jıi juqtyryp, taratady Saǵyntaev almatylyqtardy koronavırýstan vaktsınamen qorǵanýǵa shaqyrdy Qazaqstan QazVac vaktsınasyn ıslam elderine berýge daıyn - Qasym-Jomart Toqaev

Onyń aıtýynsha, adamdar dárigerlerdiń aıtqanyna qulaq asýy tıis.

«Densaýlyq Qudaıdan bolatynyn bárimiz bilemiz. Bul jaýapkershilik dárigerlerge túsedi, Qudaı solardyń kómegimen adamdardy emdeıdi. Adam em qabyldaǵanda, bul onyń ózine Alla Taǵalanyń nyǵmetiniń arqasynda keletinin túsinýi kerek. Sondyqtan dárigerlerdi tyńdaýymyz qajet. Eger adam dárigerlerdiń keńesine qulaq aspasa, tıisti em men dári-dármekterdi qabyldamasa, onda ol Qudaıdyń ósıetterin buzady. Nege? Sebebi densaýlyqty kútý – bárimizdiń mindetimiz. Koronavırýs – búkil álemge taraǵan qorqynyshty epıdemııa. Bul aýrýǵa kóptegen adam shaldyqty. Ókinishke oraı, birazynan aırylyp qaldyq. Koronavırýsqa qarsy vaktsına alý tek dárigerdiń keńesi emes. Vaktsınanyń arqasynda búkil álemde epıdemııanyń aqyryndap beti qaıtty. Ony kórip otyrmyz», - dedi Qazaqstannyń bas ravvıni Eshaıa Kogen.

Sonymen qatar, ol ekpe alý kezinde dárigerlerdiń jeke usynystaryn eskerý kerektigin atap ótti.

«Iıa, vaktsınanyń jeke jaǵdaılarǵa qatysty qarsy jaǵymsyz áserleri bolýy múmkin. Biraq densaýlyǵyńyz jaqsy bolsa jáne qarsy kórsetilimder bolmasa, siz dárigerlerdi tyńdaýyńyz kerek. Men koronavırýsqa qarsy vaktsınanyń eki komponentin aldym. Barlyǵy jaqsy ótti. Ózimdi jaqsy sezinemin», - dedi ol.

Spıker vaktsınatsııaǵa oń qaraý kerektigin atap ótti.

«Máselen, qazir kóptegen ata-ana dinı senimdi alǵa tartyp, balalaryn vaktsınalaýdan bas tartady. Onyń dinge esh qatysy joq. Dinde kez kelgen máselede mamandarǵa júginý kerektigi aıtylady, bul jaǵdaıda densaýlyq saqtaý mamandaryna, ıaǵnı dárigerlerge. Onyń ústine vaktsınatsııadan jaqsy nátıje kórip otyrmyz. Ol – osy jasyryn vırýsqa qarsy turý úshin zerttelgen ekpe. Adam ózin ǵana emes, jaqyndary týraly da oılaýy kerek. Pandemııaǵa baılanysty adamdar jumysqa baryp, otbasylaryn asyraı almaı otyr. Sondyqtan biz dostyqty nyǵaıtyp, bir-birimizge qamqor bolýymyz kerek», - dep naqtylady Eshaıa Kogen.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT