+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Dárigerler kúni: Eljan Birtanov ózin tańdandyrǵan dárigerler týraly aıtyp berdi

2019 jylǵy 16 maýsym 15:36
Bólisińiz:
Dárigerler kúni: Eljan Birtanov ózin tańdandyrǵan dárigerler týraly aıtyp berdi

NUR-SULTAN. QazAqparat - QR Densaýlyq saqtaý mınıstri Eljan Birtanov medıtsına qyzmetkerleri kúni qarsańynda jas dárigerler jóninde aıtyp berdi, dep habarlaıdy QazAqparat.

Ásirese, Jastar jyly aıasynda mınıstr jas dárigerlerdiń jumysyna erekshe kóńil bólgen.

«Men Qazaqstandaǵy kóptegen aýylǵa baryp, medıtsınalyq mekemelerdi araladym. Aýdandyq aýrýhana, ambýlatorııada eńbek etip júrgen óz jumysyn jaqsy kóretin jas mamandardy kórip, qýandym. Mysaly, Batys Qazaqstan oblysy Báıterek aýdanyndaǵy aýrýhanada jalpy tájirıbeli dáriger Sánııa Ataqanovamen tanystym. Onyń aýrýhanaǵa jumysqa ornalasqanyna nebary jarty jyl bolǵanyna qaramastan, birneshe ret óte qıyn jaǵdaılarǵa kez bolyp, talaı adamdy aman alyp qalǵan», - dep jazdy E. Birtanov áleýmettik jelidegi paraqshasynda.

Taǵy bir mysal retinde vedomstvo basshysy Fınkter dárigerler áýletin atap ótti.

«Aǵaıyndy Evgenıı men Edýard Fınkterdiń ekeýi de hırýrg. Aǵasy men inisi Qostanaı oblysyndaǵy Fedorov aýdandyq aýrýhanada jumys isteıdi. Evgenıı hırýrgııa bóliminiń meńgerýshisi ári anestezıolog-reanımatolog, al Edýard - hırýrg, qosymsha lor-dáriger. Evgenıı jansaqtaý bóliminde de bóten adam emes. Men olardyń adam ómirin saqtaý jolyndaǵy osyndaı ámbebap qyzmetterine tań qaldym», - deıdi mınıstr.

E. Birtanov Isataı aýdanyndaǵy aýrýhanaǵa barǵanda Túrkistandaǵy medıtsına ýnıversıtetin támamdaǵan jas akýsher-gınekolog Iman Pernebekovti kezdestirgen. Ýnıversıtetti bitirgen soń Imannyń birden aýdanǵa kelgenin mınıstr bolashaq dárigerlerge úlgi etip kórsetti.

Sonymen birge, Eljan Birtanov Qazaqstannyń densaýlyq saqtaý salasynda túbegeıli ózgerister bolyp jatqanyn atap ótti. Mindetti áleýmettik medıtsınalyq saqtandyrý júıesin engizý, medıtsınalyq-sanıtarııalyq alǵashqy kómek, aýrýlardy emdeýdiń joǵary tehnologııalyq ádisteri, adamı resýrstardy strategııalyq basqarý jobalaryn iske asyrý, medıtsınalyq bilim berýdi jańǵyrtý, jedel járdem qyzmetiniń sapasyn jaqsartý jumystary qyzý júrýde.

«Ótken jyly Medıtsınalyq-sanıtarııalyq alǵashqy kómek týraly jahandyq konferentsııa boıynsha Astana deklaratsııasy qabyldandy. Bul - Qazaqstannyń medıtsınalyq qaýymdastyǵy úshin tarıhı oqıǵa. Astana qararynyń negizgi qaǵıdaty - búkil álemdegi medıtsınalyq-sanıtarııalyq alǵashqy kómek kórsetýdi damytý jáne jaqsartý. Bul jobaǵa qoǵamdyq densaýlyq saqtaý salasynda eńbek etip júrgen jas sarapshylar - Aınur Aıyphanova men Serjan Aıdosov jetekshilik etti. Aınur - Densaýlyq saqtaý mınıstrligi Densaýlyq saqtaýdy damytý respýblıkalyq ortalyǵynyń bas dırektory, Serjan - dırektordyń mindetin atqarýshy. Olarǵa halyqaralyq densaýlyq saqtaý salasyndaǵy Qazaqstannyń dárejesin kóterýge qosqan úlesi úshin alǵys bildiremin», - dep jazdy Eljan Birtanov.

Sóz sońynda mınıstr medıtsına mamandyǵynyń qoǵamdaǵy eń abyroıly, suranysqa ıe mamandyq bolyp qala beretinin aıtyp, olardy kásibı merekesimen quttyqtady.

«Sizder árbir adamdy dúnıege kelgen kúninen bastap ómiriniń sońyna deıin súıemeldeısizder. Sizder adam úshin eń qymbat qundylyq - onyń densaýlyǵy men ómirin saqtaýǵa kómek kórsetesizder. Kásibı sheberlikterińiz shyńdalyp, halyqtyń rızashylyǵyna bólene berińizder demekpin. Sizderdiń ómirlerińiz baqytty da tabysty sátterge toly bolsyn, zor densaýlyq jáne otbasylaryńyz ben jaqyndaryńyzǵa amandyq tileımin», - dep quttyqtady Densaýlyq saqtaý mınıstri.
Eske sala ketsek, búgin Qazaqstan Prezıdenti Qasym-Jomart Toqave dárigerlerdi tól merekesimen quttyqtady.
«Dárigerlerdiń kásibıligi, antqa adaldyǵy men jyly júregi adamnyń tánin ǵana emes, janyn da emdeıdi. Aq halatty abzal jandarǵa myqty densaýlyq, mol tabys tileımin!», dep jazdy Prezıdent quttyqtaýynda.


null
null

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT