+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Dárigerler 686 gramm bolyp týǵan egizderdi aman alyp qaldy

2020 jylǵy 29 qyrkúıek 13:32
Bólisińiz:
Dárigerler 686 gramm bolyp týǵan egizderdi aman alyp qaldy

ALMATY. QazAqparat - Almatyda dárigerler shala týǵan egizderdi aman alyp qaldy, dep habarlaıdy QazAqparat tilshisi.

«Men Perınatologııa jáne balalar kardıohırýrgııasy ortalyǵyna júktiliktiń 7,5 aıynda qatty aýyryp keldim. Meni akýsher-gınekologtardyń kezekshi brıgadasy qabyldady, sonyń arqasynda sábılerim Nadıra men Indıra dúnıege keldi», - dep eske alady Baıan.

Týǵan kezdegi balalardyń jaǵdaıy óte aýyr dep baǵalandy. Bir náresteniń salmaǵy 1100 gr, al ekinshi náresteniń salmaǵy 686,0 gr boldy. Úlkeni Indıra 28 kún reanımatsııa bóliminde boldy. Dárigerler men medbıkelerdiń birlesken kúsh-jigeriniń arqasynda bala ózdiginen dem alyp, birtindep salmaq qosa bastady. Keıin bala jańa týǵan náresteler patologııasy bólimine aýystyryldy, jaqsy bolǵannan keıin sol jerden úıge shyǵaryldy.

Ekinshi náreste Nadıra uzaq ýaqyt boıy ókpeniń jasandy jeldetýinde boldy jáne salmaq ala almady. 139 kún boıy jańa týǵan nárestelerdiń reanımatsııa jáne qarqyndy terapııa bólimshesinde neonatolog dárigerler onyń ómiri úshin kúresti.

Tek medıtsına qyzmetkerleriniń birlesken kúsh-jigeriniń arqasynda Nadıra aman esen ortalyqtan shyqty.

«Indıra men Nadıra dúnıege kelgen kezde, múmkindik joq shyǵar dep qorqatynmyn. Men olardan aırylyp qalamyn dep oıladym. Endi minekeı bári jaqsy ekenine qýanyp, jaqsaryp keledi degende, taǵy bir ýaıym shyǵady: bala nashar dem alyp, sodan keıin tamaqtaný problemasy paıda bolady. Qazir Allaǵa shúkir, bári jaqsy. Men barlyq qyzmetkerlerge balalarymdy qutqarǵany úshin rızamyn», - deıdi Baıan.

Ortalyq dırektory Ǵanı Bodyqovtyń aıtýynsha, jyl saıyn perınataldyq ortalyqtyń balalar reanımatsııasy bólimshesinde 800 – ge jýyq bala jatady.

Onyń 2/3-i shala týǵan balalar. Neonatologtar týýdyń alǵashqy mınýttarynan bastap olardyń ómiri úshin kúresedi. Balalar týǵan soń qursaqqa uqsas kıývez – apparattarǵa ornalastyrylady. Munda ottegi keledi, temperatýra men ylǵaldylyq retteledi. Onda balalar jasandy jeldetýdi jáne dári-dármekter men qorektik zattardy ishki engizýdi qosa alady. «Kútimniń» osy kezeńinde analar reanımatsııaǵa kelip, balanyń janynda bola alady.

«Kútý kezeńi 4 kezeńge bólinedi. Birinshisi-reanımatsııa jáne qarqyndy terapııa. Odan keıin náresteler men shala týylǵan náresteler patologııasy bólimine aýystyrylady, onda náreste odan ári emdeledi. Úshinshi kezeń-ana men bala palatasy, onda analar sábımen qarym-qatynas jasaýdy, tamaqtandyrýdy jáne shomylýdy úırenedi. Sodan keıingi kezeńde baladan zondtar alynyp, úılerine shyǵarylǵanǵa deıin salmaq jınaý ǵana qalady», - deıdi Ǵanı Bodyqov


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT