+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Dáriger daıarlaýda eksperıment jasaýǵa bolmaıdy - Nurtóre Júsip

2019 jylǵy 10 qazan 13:40
Bólisińiz:
Dáriger daıarlaýda eksperıment jasaýǵa bolmaıdy - Nurtóre Júsip

NUR-SULTAN. QazAqparat – Parlament Senatynyń jalpy otyrysynda depýtat Nurtóre Júsip medıtsına salasy mamandaryn daıarlaýdaǵy problemalardy kóterdi, dep habarlaıdy QazAqparat tilshisi.

«Qazirgi tańda Qazaqstanda 230 myń medıtsına qyzmetkeri bar, onyń ishinde 70 myń dáriger, 160 myńnan astam orta medıtsına personaly jumys isteıdi. Álem ózgerdi: jańa tehnologııa tez damyp jatyr, soǵan sáıkes qoǵamnyń da suranys talaby artyp otyr. Myńdaǵan bilikti dáriger halqymyzdyń densaýlyǵyn kirpik qaqpaı kúzetip turǵanyn da aıtýymyz kerek. Biraq osy zamanǵy apparatýrasy bar eń jaqsy materıaldyq-tehnıkalyq baza degenińiz kásibı mamandarsyz, adam faktorynsyz qur ásheıin temir ǵana bolyp qalmaq. Іs júzinde onymen jumys isteıtin myqty maman tabyla bermeıdi. Kúndelikti ómirde naýqas adamdy emdeýden buryn dıagnozdy dál qoıý máselesiniń ótkir turǵandyǵyn kórip júrmiz. Dıagnoz durys qoıylmaǵandyqtan onyń arty qanshama qaıǵyly jaǵdaıǵa dýshar etýde», - dedi senator QR Úkimet basshysynyń orynbasary Berdibek Saparbaevtyń atyna joldaǵan depýtattyq saýalynda.

Onyń aıtýynsha, jyl saıyn medıtsına salasyna joǵary oqý oryndaryn bitirgen júzdegen jas maman keledi. Solardyń kóbisiniń qajetti bilimi men daǵdysy, dárigerlik mashyǵy nashar.

«Olardyń kóbisi derbes jumys isteýge ázir bolmaı shyǵady, operatsııa stolynda bir sát turyp kórmegen, ozyq tehnıkamen jumys isteýdi bilmeıtin tájirıbesiz mamannan ne kútýge bolady? Tipti ıneniń ózin durys shanshı almaıtyndar kezdesedi. Sebepsiz saldar bolmaıdy.Tıisti salaǵa mamandanbaǵan joǵary oqý oryndarynda dárigerlerdi daıarlaý isine jol berip otyrmyz. Eldegi birqatar pedagogıkalyq, jekemenshik ýnıversıtetter dáriger kadrlaryn oqytýǵa kóshti. Basqa salada eksperıment jasaýǵa bolatyn shyǵar, biraq dál medıtsına salasynda mundaı eksperıment jasaýǵa bolmaıdy. Dárigerlerdi tek qana osy salaǵa baǵdarlanǵan, tereń tarıhy men zamanaýı múmkindigi zor, burynnan qalyptasqan ýnıversıtetterde ǵana oqytý qajet dep esepteımin», - dedi N. Júsip.

Osy oraıda depýtat profıldi emes joǵary oqý oryndarynyń janynan medıtsına fakýltetterin ashýdyń qandaı qajettigi bar ekendigin surady.

«Mundaı fakýltetterdiń klınıkalyq, qarjylyq, uıymdastyrýshylyq múmkindikteri qanshalyqty? «Kadr tapshylyǵyn joıamyz» dep júrip, biliksiz kadrlar qaptap ketse, kúni erteń kim jaýap beredi?», - dedi senator.

Bizdiń kanalymyzǵa jazylyńyz:

Basty sózder: Senat, Medıtsına,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT