+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dáriger bolyp qala beremin – sottalǵan hırýrg túrme aýrýhanasyna kómektesýde

2020 jylǵy 11 shilde 23:05
Bólisińiz:
Dáriger bolyp qala beremin – sottalǵan hırýrg túrme aýrýhanasyna kómektesýde

PAVLODAR. QazAqparat – Túrme aýrýhanasynda ózi qatarly sottalǵan azamattarǵa kútim kórsetip júrgen hırýrg «men dárigermin ári dáriger bolyp qalamyn» deıdi. 58 jastaǵy Berik túrmege túspeı turyp, uzaq jyl iri qalalarda hırýrg bolyp eńbek etken, dep habarlaıdy QazAqparat.

Pavlodar oblystyq Qylmystyq-atqarý júıesi boıynsha departamentinen málim etkendeı, Berik 7 jylǵa sottalǵan. Óziniń aıtýynsha, qylmysy medıtsınalyq salaǵa qatysty emes. Túrmeden shyǵý úshin áli bes jyl jazasyn óteý kerek. Joǵary bilimdi Almatyda «Em-dom isi» mamandyǵy boıynsha alǵan. 1990 jyly joǵary oqý ornyn aıaqtaǵannan keıin Almaty men Nur-Sultanda hırýrg bolyp jumys istegen. 2018 jyly isti bolyp, Pavlodardaǵy túzetý mekemesine jetkizilgen. Óz ómirinde Berik san ret taǵdyrsheshti otalardy jasaǵan eken. Qanshama eresekti, balalardy aman alyp qalǵan.


Pavlodardaǵy 162/2 túzetý mekemesinde Ortalyq somatıkalyq aýrýhana bar. Respýblıkanyń barlyq óńirinen sottalǵan naýqastardy dál osynda alyp keledi. Jarty ǵasyrlyq tarıhy bar aýrýhanada dárigerler qanshama adamnyń janyna arasha tústi. Aýrýhanaǵa qyzmetkerleri de «erekshe» naýqastaryna ábden úırenisip alǵan. Pikir qaldyratyn kitapta sottalǵan azamattar men olardyń týystarynyń kóptegen alǵys pikiri bar.

Beriktiń kásibı turǵyda paıda tıgizýge baılanysty usynysyna mekeme ákimshiligi birden qoldaý bildirgen. Ol qazir aýrýhanada naýqastardy emdeıdi.


«Kóp jyldyq tájirıbesi bar dáriger retinde eldegi ahýalǵa alańdaımyn. Syrtta meni áıelim, eki ulym men nemerem kútip otyr. Olar úshin qatty qorqamyn. Qazir karantın bolǵannan keıin olar menimen kórisýge kele almaıdy. Alaıda, bul shekteý sharasyn óz basym qoldaımyn. Taksofon arqyly olarmen sóılesip otyramyn. Álbette, olardy qatty saǵyndym. Biraq, eń aldymen, bárimiz qazir densaýlyǵymyzdy oılaýymyz kerek. Osy mekemege kelgennen keıin aýrýhana baryn bildim. Tájirıbemdi bólisip, paıdamdy tıgizýge ruqsat bergen mekeme ákimshiligine kóp rahmet. Qazir jergilikti medıtsına qyzmetkerlerine kómektesip júrmin. Naýqastardyń dene qyzýyn ólsheımin. Aýrý ataýlyǵa báribir – sottalǵansyń ba, sottalmaǵansyń ba. Kómek qolyn sozý úshin belgili bir orynda otyrý mindetti emes. Men – dárigermin. Qandaı jaǵdaı bolmasyn dáriger bolyp qala beremin», - deıdi Berik.

Qazirgi ýaqytta túzetý mekemesine qarasty aýrýhanada ár aımaqtan sottalǵan 13 naýqas emdelip jatyr. Kóbi – otadan keıin túsken patsıentter.

Al mekemeniń ózinde 300-ge tarta sottalǵan adam bar.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT