+7 (701) 759 90 19
USD 389.81 EUR 430.27
RUB 6.06 CNY 54.91
Jańalyqtar

Darıǵa Nazarbaeva «Zenıt» keme jasaý zaýytynyń jumysymen tanysty

2019 jylǵy 9 qazan 14:46
Bólisińiz:
Darıǵa Nazarbaeva «Zenıt» keme jasaý zaýytynyń jumysymen tanysty

NUR-SULTAN. QazAqparat – Senat tóraǵasy Darıǵa Nazarbaeva Batys Qazaqstan oblysyna jumys sapary barysynda «Zenıt» keme jasaý zaýytynyń jumysymen tanysty. Bul týraly QazAqparat Senattyń baspasóz qyzmetine silteme jasap habarlaıdy.

Zaýyt basshylyǵymen jáne eńbekkerlermen áńgime kezinde Senat basshysy qorǵanys salasynyń múddesine jumys isteıtin kásiporyndy damytýǵa qajetti normatıvtik-quqyqtyq baza jasalǵanyn, elimizde jyl basynda «Qorǵanys ónerkásibi jáne memlekettik qorǵanystyq tapsyrys týraly» jańa zań qabyldanǵanyn atap ótti.

«Úkimet qorǵanys maqsatyndaǵy ónim shyǵaratyn otandyq kásiporyndardy qoldaý boıynsha júıeli jumys júrgizýi kerek. Bizge óz ónerkásibimizdi damytý jáne tapsyrystardy birinshi kezekte qazaqstandyq kásiporyndarǵa berý mańyzdy», - dep atap ótti D.Nazarbaeva.

Darıǵa Nazarbaeva sol kúni Oraldaǵy ulttyq mádenı ortalyqtardyń basshylarymen, Batys Qazaqstan oblysyndaǵy jastar men eriktiler uıymdarynyń ókilderimen kezdesti.

Darıǵa Nazarbaevanyń aıtýynsha, Qazaqstan halqy Assambleıasy elimizdegi ultaralyq tatýlyq pen kelisimdi nyǵaıtýdaǵy yqpaldy qoǵamdyq kúsh bolyp tabylady.

«Jyly shyraıly kezdesýler men izgilikti sózderińiz úshin Sizderge alǵys aıtamyn. Sizderdiń naqty isterge nıettengen oń kózqarastaryńyz kóńilge qýanysh uıalatady. Búginde Qazaqstan halqy Assambleıasy ulttyq mádenı ortalyqtardyń jumysyna jastardy belsendi túrde tartyp, jańa kóshbasshylardy ósirýi tıis. Ár ult jastarynyń mansaby men kásibı turǵyda ósýi úshin teń múmkindikter jasalýy tıis. Jastar elden kóship ketpeýi úshin áleýmettik lıftilerdiń ashyq júıesi kerek», - dep atap ótti Senat Tóraǵasy.

Senat basshysy aımaqtaǵy buqaralyq aqparat quraldarynyń ókilderimen júzdesýde aqparat quraldary qazirgi álemde tap bolyp otyrǵan jańa qaýip-qaterler týraly aıtty.

D.Nazarbaevanyń aıtýynsha, dástúrli buqaralyq aqparat quraldary – teledıdar, radıo, gazet – halyqtyń 70 paıyzy úshin burynǵysha aqparattyń negizgi kózi ekenin statıstıka derekteri kórsetip otyr. Sonymen birge, ǵalamtor men mobıldi qurylǵylar arqyly medıany tutyný ulǵaıyp barady. Bul úderister saralanyp, buqaralyq aqparat quraldary salasyn damytý jónindegi memlekettik strategııada belgilenýi tıis. Senat basshysy Batys Qazaqstan oblysyndaǵy buqaralyq aqparat quraldarynyń ókilderin osy qujatty daıyndaýǵa jáne aqparat quraldary týraly zańnamaǵa túzetýler ázirleýge belsendi qatysýǵa shaqyrdy.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT