+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Darıǵa Nazarbaeva Slovakııa Ulttyq Keńesiniń Tóraǵasymen kezdesti

2019 jylǵy 23 qyrkúıek 20:36
Bólisińiz:
Darıǵa Nazarbaeva Slovakııa Ulttyq Keńesiniń Tóraǵasymen kezdesti

NUR-SULTAN. QazAqparat - Parlament Senatynyń Tóraǵasy Darıǵa Nazarbaeva Slovakııa Respýblıkasy Ulttyq Keńesiniń Tóraǵasy Andreı Dankomen kezdesti, dep habarlaıdy QR Parlamenti Senatynyń baspasóz qyzmeti.

Uqsas jańalyqtar
Májilis depýtattary indet kezinde aýyl turǵyndaryn jumyspen qamtý máselesin talqylady Dana Nurjigit: Karantın tártibin saqtaý - ultty saqtaý Parlament depýtattary Qurban aıtta dárigerlerge syı-sııapat jasady⁣

Kezdesý barysynda Qazaqstan men Slovakııanyń parlamentaralyq is-qımyly men ekonomıkalyq yntymaqtastyq máseleleri talqylandy. Taraptar eki el arasyndaǵy baılanystardyń qarqyndy damýy men parlamentter yntymaqtastyǵynyń tıimdiligin arttyra túsý qajettigin atap ótti.

Senat Tóraǵasy bıylǵy jyly Slovakııa tóraǵalyq etip otyrǵan EQYU yntymaqtastyǵyna Qazaqstan zor mańyz beretinin atap ótti. D.Nazarbaeva elimiz Slovakııa tóraǵalyǵynyń baǵdarlamasyn qoldaıtynyn jáne alǵa qoıylǵan josparlardy iske asyrýda kómek kórsetýge ázir ekenin aıtty.

Senat basshysy sondaı-aq eki el arasyndaǵy saýda-ekonomıka salasyndaǵy yntymaqtastyqty keńeıtý máselesine nazar aýdardy. Qazaqstan Slovakııada shyǵarylatyn mashına jasaý tehnologııalaryn tartýǵa erekshe múddeli. Sondaı-aq Darıǵa Nazarbaevanyń aıtýynsha Slovakııa kásipkerleri EAEO artyqshylyqtaryn paıdalana alady.

«Slovakııalyq kásipkerlerge odaqtyń kóp mıllıondyq naryǵyna shyǵa alatyn joǵary tehnologııalyq birlesken kásiporyndardy Qazaqstanda ashýdy usynamyz. Bizdiń elimiz ónimderińizdi úshinshi elder naryǵyna ilgeriletetin kópir bola alady», - dedi D.Nazarbaeva.

Slovakııa Respýblıkasy Ulttyq keńesiniń Tóraǵasy A.Danko óz kezeginde Senat basshysyna kezdesý úshin alǵys aıtyp, ekonomıka jáne zań turǵysynda yntymaqtastyqty damytýǵa ázir ekenin bildirdi.

Slovakııa Parlamentiniń basshysy sondaı-aq iri ınvestıtsııalyq jobalardy damytý alańy retinde Qazaqstanǵa nazar aýdarǵan ınvestorlar týraly aıtyp ótti.

A.Danko odan basqa bilim berý, qorǵanys jáne aýyl sharýashylyǵy, sondaı-aq orman sharýashylyǵyn damytý salasynda yntymaqtastyqqa ázir ekenin aıtty.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT