+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Darıǵa Nazarbaeva: Senat janynda Agroónerkásip kesheni jónindegi keńes qurylady

2020 jylǵy 17 qańtar 09:21
Bólisińiz:
Darıǵa Nazarbaeva: Senat janynda Agroónerkásip kesheni jónindegi keńes qurylady

NUR-SULTAN. QazAqparat - QR Parlamenti Senatynyń Tóraǵasy Darıǵa Nazarbaeva parlamenttik tyńdaýǵa daıyndyq aıasynda aýyl sharýashylyǵy salasynyń ókilderimen birqatar jumys kezdesýlerin ótkizdi. Búgin ǵylymı-bilim berý ortalyqtary men agrarlyq ýnıversıtetter basshylarymen kezdesý boldy, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Qazaqstanda jalaqysy 240 myń teńgeden tómen jumysshylardyń tabys salyǵy azaıady Darıǵa Nazarbaeva DDU ókilderimen densaýlyq saqtaý máselelerin talqylady Memtapsyrysqa bólingen qarajat ekonomıkamyzǵa jumys isteýi tıis – Darıǵa Nazarbaeva

Sharaǵa Parlament Senatynyń depýtattary, Ulttyq agrarlyq ǵylymı-bilim berý ortalyǵy, Qazaq ulttyq agrarlyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Jáńgirhan atyndaǵy Batys Qazaqstan agrarlyq-tehnıkalyq ýnıversıtetiniń jáne ǵylymı-zertteý ınstıtýttarynyń basshylary qatysty.

Kezdesýde sóz alǵan «UAǴBO» AQ Basqarma tóraǵasy Tóleýtaı Raqymbekov bilim berýdegi, transfert pen tehnologııalardy kommertsııalandyrý júıesiniń bolmaýy Qazaqstandaǵy agrarlyq ǵylymynyń basty problemasy, dep sanaıdy. T.Rahymbekov osyǵan baılanysty aýdandyq agrokolledjder men kásipkerler palatalary bazasynda aımaqtarda aýyldyq aqparattyq-konsýltatsııalyq pýnktter (AAKP) júıesin qalpyna keltirýdi usyndy.

«UAǴBO» AQ Basqarma tóraǵasy agrarlyq ǵylymdaǵy kadrlar tapshylyǵy máselesine jeke toqtalyp, salalyq joǵary oqý oryndarynyń túlekteri kóbinese mamandyǵy boıynsha jumys istemeıtinin atap ótti.

D.Nazarbaeva óz kezeginde osy máseleni sheshýde «Bolashaq» halyqaralyq bilim berý stıpendııasy qanshalyqty tıimdi ekenin surady. Tóleýtaı Raqymbekov búgingi tańda baǵdarlama boıynsha bilim alǵan 10 myń túlektiń 70-i ǵana agrarlyq salada jumys isteıtinin aıtty.

«S.Seıfýllın atyndaǵy Qazaq agrotehnıkalyq ýnıversıteti» AQ Basqarma tóraǵasy A.Kúrishbaev oqý orny túlekteri men joǵary bilikti mamandardy aýylda turaqtandyrý taqyrybyn jalǵastyra kelip, másele sheshiminiń biri retinde usaq sharýa qojalyqtary kooperatsııasyn qurýdy usyndy. Oqý ornynyń rektory qazirgi zamanǵy mamandarǵa jeke-dara jaǵdaı jasaý qıyn bolsa, kooperatsııaǵa birikken fermer sharýashylyqtary kadrlarǵa tıisti áleýmettik-turmystyq jaǵdaı jasap, áleýmettik paketpen qamtamasyz ete alady, dep sanaıdy.

A.Kúrishbaev paıdalanylmaı jatqan jerlerdi anyqtaýdaǵy jáne ǵaryshtyq monıtorıng arqyly egin shyǵymdylyǵy kórsetkishterin jınaýdaǵy ýnıversıtet jumysynyń oń nátıjeleri týraly aıtty. Keıbir jergilikti atqarýshy organdar mundaı qyzmetterdi endi paıdalana bastady. «Bul naqty málimetter alýǵa jáne qaǵazbastylyqtan qutylýǵa múmkindik beredi», - dep atap ótti rektor.

Qazaq eginshilik jáne ósimdik sharýashylyǵy ǵylymı-zertteý ınstıtýtynyń bas dırektory Andreı Ageenko tuqym sharýashylyǵyndaǵy ózekti máselelerdi kóterdi. Ǵalymnyń aıtýynsha, ósimdikterdiń gendik qoryn saqtaý máselesi kún tártibinde ótkir tur, qazirgi tuqym sharýashylyǵyndaǵy alǵashqy júıe osy zamanǵy agrobıznestiń talaptaryna sáıkes kelmeıdi, otandyq tuqym naryǵyna baqylaý bolmaı otyr, fermerlerdiń kópshiligi standarttarǵa sáıkes kelmeıtin astyq sebedi. «Osy sebepterdiń bári egin alqaptarynyń shyǵymdylyǵy men ónimdiligin tómendetýge májbúr etedi. Tuqym sharýashylyǵyn baqylaý júıesine ózgerister engizýdi, reestrde tirkeýdiń úsh jyldyq tsıklin kútpesten keleshegi zor daqyldardyń sorttaryn naryqqa shyǵarýǵa ruqsat berýdi usynamyz», - dedi A.Ageenko.

«Qarabalyq aýyl sharýashylyǵy tájirıbe stantsııasy» seriktestiginiń bas dırektory Damır Qaldybaev óz kezeginde tuqymdardy ákelý men áketýdi zańnamalyq retteýdi usyndy. Ol otandyq ónim óndirýshilerdiń básekege qabilettiligin arttyrýǵa jáne ulttyq naryqty qorǵaýǵa múmkindik beretin edi.

Kompanııa basshysy óz sózinde «Ǵylymı aýyl» jobasyna qatysýshylardyń nazaryn aýdardy. «Jastarǵa aýyl ǵylymynyń tartymdylyǵyn arttyrý men aýyl sharýashylyǵy ónimderin óndirýshilerdiń ǵylymı jańalyqtarǵa degen qajettiligin qanaǵattandyrý maqsatynda biz ótken jyldan bastap osy jobany júzege asyra bastadyq. Oblys ákimdiginen bizge 880 mln teńge bólindi, 380 mln teńgege 21 km jol jóndeldi, 500 mln teńgege ınjenerlik-áleýmettik qurylymdardy qalpyna keltiremiz», - dedi D.Qaldybaev.

Senat Tóraǵasy talqylaý barysynda osy jobaǵa qoldaý bildirdi jáne bul bastamany iske asyrýǵa aýyldan shyqqan ınvestorlardy tartýdy usyndy.

D.Nazarbaeva talqylaýdy aıaqtaı kelip, aýyl sharýashylyǵy salasynyń problemalaryn kásibı túrde keńinen talqylaý úshin Senat janynda turaqty jumys isteıtin alań qurý jaıynda aıtty.

«Baǵdarlama men barlyq usynystardy aıaǵyna deıin jetkizý úshin biz Senat janynan Agroónerkásip kesheni jónindegi keńes qurýymyz kerek. Biz barlyq usynystarǵa muqııat qaraımyz jáne olardy keıinnen Úkimetke beriletin qujatpen birge jiberýge tyrysamyz. Bul Keńeske múddeli taraptardyń bári: agroónerkásip kesheni, Úkimet, jergilikti atqarýshy bılik organdarynyń, ǵylym jáne maman daıarlaý salasynyń ókilderi kire alady», - dedi D.Nazarbaeva.

Senat Tóraǵasy D.Nazarbaeva sharanyń qorytyndysy boıynsha Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine kezdesýge qatysýshylar qozǵaǵan ózekti máselelerdi zerdeleýdi jáne olardy parlamenttik tyńdaýda talqylaýǵa daıyndaýdy tapsyrdy.


Bizdiń kanalymyzǵa jazylyńyz:

Basty sózder: Senat, Ǵylym, Aýyl sharýashylyǵy,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT