+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Darıǵa Nazarbaeva Máskeý jáne búkil Reseı Patrıarhy Kırıllmen kezdesti

2019 jylǵy 24 qazan 17:27
Bólisińiz:
Darıǵa Nazarbaeva Máskeý jáne búkil Reseı Patrıarhy Kırıllmen kezdesti

MÁSKEÝ. QazAqparat – QR Parlamenti Senatynyń tóraǵasy, Álemdik jáne dástúrli dinder lıderleri sezi Hatshylyǵynyń basshysy Darıǵa Nazarbaeva Máskeý jáne Búkil Reseıdiń qasıetti Patrıarhy Kırıllmen kezdesti, dep habarlaıdy QazAqparat.

Kezdesý Qazaqstan Parlamenti Senaty delegatsııasynyń Reseıge resmı sapary aıasynda ótti.

Palatanyń baspasóz qyzmetinen málim etkendeı, Darıǵa Nazarbaeva kezdesý barysynda jyly shyraıly qabyldaýlar úshin Patrıarhqa alǵys aıtty. Sondaı-aq Qazaqstan Respýblıkasy men Máskeý Patrıarhaty arasynda ózara syndarly is-qımyl qalyptasyp, senimdi qarym-qatynas ornaǵanyn atap ótti.

«Álemdik jáne dástúrli dinder lıderleriniń IV sezine sizdiń qatysýyńyz forým jumysyna baǵa jetpes úles qosty jáne onyń mazmunyn aıtarlyqtaı baıyta tústi. Bizdiń yntymaqtastyǵymyz ben ózara qarym-qatynasymyz aldaǵy ýaqytta da elderimiz arasyndaǵy beıbitshilik pen kelisimdi nyǵaıtýǵa yqpal etedi dep úmittenemiz. Sizdi 2021 jyldyń maýsym aıynda ótetin kelesi forýmǵa qurmetti qonaq retinde qatysady dep úmittenemiz», - dedi Senat spıkeri.

Patrıarh Kırıll óz kezeginde Darıǵa Nazarbaevaǵa forýmǵa shaqyrǵany úshin alǵysyn bildirdi jáne qoǵamdar, dinder men mádenıetter arasynda syndarly únqatysý ornatýdaǵy, dinaralyq tózimdilikti, izgi nıet pen ózara túsinistik qalyptastyrýdaǵy dinı ıerarhtar seziniń mańyzdy ekenin atap ótti.

«Qazaqstan – qasıetti meken. Biz elimizdiń jáne ózara qarym-qatynasymyzdyń oń damýyna óte qýanyshtymyz. Sezd álem qaýymdastyǵyn tolǵandyratyn mańyzdy jáne naqty máseleler sheshiletin ashyq alań. Bul rette Tuńǵysh Prezıdent N. Nazarbaevtyń róli men eńbegi óte zor. Biz barlyq baǵyttar boıynsha qoldaý men tyǵyz yntymaqtastyqqa, onyń ishinde konfessııaaralyq jáne órkenıetaralyq dıalogty damytý jónindegi N.Nazarbaev ortalyǵymen baılanysty nyǵaıtýǵa yqylastymyz», - dep qorytyndylady Patrıarh Kırıll.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT