+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Darıǵa Nazarbaeva Dúnıejúzilik lıýteran federatsııasynyń bas hatshysymen kezdesti

2019 jylǵy 17 mamyr 15:23
Bólisińiz:
Darıǵa Nazarbaeva Dúnıejúzilik lıýteran federatsııasynyń bas hatshysymen kezdesti

NUR-SULTAN. QazAqparat - Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Darıǵa Nazarbaeva Dúnıejúzilik lıýteran federatsııasynyń Bas hatshysy Martın ıÝngemen kezdesti. Bul týraly Senattyń baspasóz qyzmetine silteme jasap QazAqparat habarlaıdy.

Darıǵa Nazarbaeva Astana forýmyna turaqty túrde qoldaý kórsetkeni, atap aıtqanda, dinaralyq sez ben onyń jumys organdarynyń jumysyna turaqty qatysqany úshin lıýteran federatsııasy ókilderine alǵysyn bildirdi.

Senat basshysy bas hatshyǵa elimizdiń Tuńǵysh Prezıdenti Nursultan Nazarbaevtyń Konfessııaaralyq jáne órkenıetaralyq únqatysýdy damytý ortalyǵy qurylatyny týraly habarlady. Bul ortalyq dinı kóshbasshylardyń Astana sammıtiniń maqsattary men mindetterin halyqaralyq arenada ilgeriletý jáne forýmdy ınstıtýttandyrý isindegi mańyzdy qural bolady. Darıǵa Nazarbaeva lıýterandarǵa ortalyqtyń jumysyna qosylýdy usyndy.

Taraptar aǵymdaǵy jyldyń qyrkúıeginde ótetin Álemdik jáne dástúrli dinder lıderleri Sezi Hatshylyǵynyń XVIII otyrysyna daıyndyqty talqylady, onda kelesi Sezdiń jáne Dinı lıderler keńesiniń ótetin kúni men kún tártibi belgilenedi.

Dúnıejúzilik lıýteran federatsııasynyń Bas hatshysy dinaralyq únqatysýdy ilgeriletý jónindegi erekshe tuǵyrnama qurǵany úshin Qazaqstanǵa alǵysyn jetkizip, Astana forýmyn odan ári qoldaý jónindegi nıetin bildirdi. Ol sondaı-aq Dúnıejúzilik lıýteran federatsııasynyń jumysy men josparlary, atap aıtqanda bosqyndarǵa qoldaý kórsetý, Birikken Ulttar Uıymymen yntymaqtastyq týraly habardar etti.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT