+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Darıǵa Nazarbaeva DDU ókilderimen densaýlyq saqtaý máselelerin talqylady

2020 jylǵy 13 aqpan 17:53
Bólisińiz:
Darıǵa Nazarbaeva DDU ókilderimen densaýlyq saqtaý máselelerin talqylady

NUR-SULTAN. QazAqparat - Senat Tóraǵasy Darıǵa Nazarbaeva Dúnıejúzilik densaýlyq saqtaý uıymy Eýropalyq aımaqtyq bıýrosynyń dırektory Hans Klıýgemen kezdesti, dep habarlaıdy QazAqparat joǵary palatanyń baspasóz qyzmetine silteme jasap.

Uqsas jańalyqtar
Mınıstrlik medıatorlardy daıarlaý erejesin qaıta qaraýdy usyndy Qazaqstan men Armenııa arasynda resmı qujattardy tanýdyń ońaılatylǵan tártibi belgilendi Senatta poshta qyzmetterin jeńildetýge arnalǵan qujat qabyldandy

Sharaǵa Parlament Senatynyń depýtattary, DDU Jenevadaǵy ókpe aýrýlary jónindegi Jahandyq baǵdarlamanyń dırektory Tereza Kasaeva, DDU Eýropalyq aımaqtyq bıýrosy elderimen strategııalyq qatynastar jónindegi úılestirýshi Baqtygúl Karıeva, DDU Qazaqstandaǵy Turaqty ókiliniń mindetin atqarýshy Kerolaın Klarınval, densaýlyq saqtaý mınıstri Eljan Birtanov qatysty.

Kezdesýge qatysýshylar ana men bala densaýlyǵyn saqtaý jáne nyǵaıtý, AITV/JITS-pen kúresý jáne aldyn alý, sanıtarlyq qyzmetti jetildirý jáne otbasylardy áleýmettik qoldaý máseleleri jónindegi memlekettik saıasatty iske asyrýdyń keleshek baǵyttaryn talqylady.

Senat Tóraǵasy alǵashqy medıtsınalyq-sanıtarlyq kómek kórsetý jónindegi Astana deklaratsııasyn ilgeriletýge DDU-nyń qoldaý kórsetkeni úshin H. Klıýge alǵys bildirdi. Palata Tóraǵasynyń aıtýynsha, jalpyǵa birdeı densaýlyq saqtaý qyzmetterimen qamtýdyń negizi alǵashqy medıtsınalyq-sanıtarlyq kómektiń tıimdi jáne turaqty júıesi bolyp tabylady.

Hans Klıýge áńgime barysynda koronavırýstyń taralýyna jol bermeýdi kózdeıtin qabyldanǵan barlyq sharalar úshin Qazaqstanǵa alǵysyn bildirdi.

Darıǵa Nazarbaeva qazirgi kezde ázirlenip jatqan ári memleket, jumys berýshiler men halyqtyń azamattardyń densaýlyǵy úshin yntymaqty jaýapkershiligin kúsheıtýge, sondaı-aq densaýlyq saqtaýdy tsıfrlyq turǵyda damytýdy kózdeıtin «Halyq densaýlyǵy jáne densaýlyq saqtaý júıesi týraly» kodeks jaıynda DDU ókilderin habardar etti.


Bizdiń kanalymyzǵa jazylyńyz:

Basty sózder: Senat, Medıtsına,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT