+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Darıǵa Nazarbaeva BUU Bas hatshysynyń arnaýly ókili Natalıa Germanmen kezdesti

2019 jylǵy 4 qyrkúıek 11:30
Bólisińiz:
Darıǵa Nazarbaeva BUU Bas hatshysynyń arnaýly ókili Natalıa Germanmen kezdesti

NUR-SULTAN. QazAqparat - QR Parlamenti Senatynyń tóraǵasy Darıǵa Nazarbaeva BUU Bas hatshysynyń arnaýly ókili, BUU-nyń Ortalyq Azııadaǵy preventıvti dıplomatııa jónindegi óńirlik ortalyǵynyń jetekshisi Natalıa Germanmen kezdesti. Bul jóninde Senattyń baspasóz qyzmetine silteme jasap QazAqparat habarlaıdy.

Kezdesý barysynda óńirlik yntymaqtastyq, preventıvti dıplomatııany nyǵaıtý, áıelder men jastar bastamalaryna qoldaý kórsetý máseleleri talqylandy.

Senat Tóraǵasy Qazaqstannyń BUU bastamalaryn qoldaıtynyn, elimiz úshin Uıym men onyń qurylymdyq mekemelerimen qarym-qatynas ornatý syrtqy saıasattyń basym baǵyttary ekenin atap ótti.

«Biz BUU basshylyǵyna Qazaqstannyń halyqaralyq bastamalaryna turaqty qoldaý bildirip otyrǵany úshin rızashylyǵymyzdy bildiremiz. Oǵan Bas hatshy A.Gýterıshtiń 2016 jylǵy Qazaqstanǵa sapary aıqyn dálel», - dedi D.Nazarbaeva.

Óz kezeginde Natalıa German Qazaqstan álemde ekonomıkalyq jáne áleýmettik damýdyń tańǵajaıyp modeli retinde qabyldanatynyn aıryqsha atap ótti.

«Qazaqstan beıbitshilik, turaqtylyq jáne qaýipsizdik isine zor úles qosyp keledi. Biz muny óte joǵary baǵalaımyz. Sizdiń elińizdiń mańyzdy strategııalyq jobalarǵa belsendi qatysyp kele jatqanyn kórip otyrmyz. Sondyqtan qazir Qazaqstannyń Ortalyq Azııa elderiniń áıelder uıymy jelisin qurýǵa qatysqanyńyzdy qalaımyz. Meni osy ıdeıaǵa Sizdiń Aýǵanstandaǵy áıelderdiń quqyǵy men múmkindigin keńeıtý boıynsha ótkizgen óńirlik konferentsııasy shabyttandyrdy»,- dep atap ótti N.German.

Darıǵa Nazarbaeva bul bastamaǵa qoldaý bildiretinin jetkizdi.

«Áıelder qaýymyn memlekettik basqarýǵa qatystyrý, ekonomıkalyq jáne áleýmettik ómirge aralastyrý múmkindigin keńeıtýdi qoldaý qajettigi sózsiz. Osy jyly bizdiń palatamyzǵa senator áıelder qosyldy. Bul óte jaqsy. Biraq onymen toqtap qalmaımyz. Elimizde názik jandardy nátıjeli jumyspen áleýmettik kótermeleý - basym baǵyt bolyp otyr», - dedi Senat spıkeri.

Sondaı-aq, kezdesý barysynda jastar máselesi sóz boldy. N.Germannyń aıtýynsha, búgingi kúni Ortalyq Azııa óńirinde 29 jasqa deıingi 50 paıyzdan astam jastar ómir súrip jatyr. Sondyqtan bıylǵy jyly onyń basshylyǵymen jastar arasyndaǵy preventıvti dıplomatııany damytýǵa qoldaý kórsetý jónindegi ortalyq qurylatyn bolady.

Darıǵa Nazarbaeva Óńirlik ortalyqtyń osy salada atqaryp otyrǵan jumystaryn joǵary baǵalady.

«Óńir jastary úshin Preventıvti akademııany iske qosýdy josparlap otyrǵanyńyzdy bilemiz. Bul bastama bizdiń elimizdiń jastar saıasatyna saı keledi, sonyqtan biz úshin óte qyzyqty. Ózińizge belgili, osy jyly Elbasy N.Nazarbaevtyń bastamasymen Jastar jyly bolyp jarııalandy. Jastar jylynda eldi, memleketti damytýda jas býynǵa aıryqsha, sheshýshi ról júktelip otyr dep senemiz. Olardy jumysqa ornalastyrýǵa, bıznes-startaptardy qoldaýǵa, volenterlik qyzmetti yntalandyrýǵa baǵyttalǵan baǵdarlamalar bar»,- dep atap ótti Darıǵa Nazarbaeva.

Sonymen qatar taraptar BUU-nyń Óńirlik ortalyǵymen transshekaralyq sý resýrstaryn birlesip paıdalaný men qoldaný salasyndaǵy jumysyn talqylady.

«Qazaqstanda Ekologııa, geologııa jáne tabıǵı resýrstar mınıstrligi quryldy. Jańa Ekologııalyq kodeks te ázirlenip jatyr. Munyń barlyǵy da ortalyq jumysymen úndesedi. Ortalyq Azııa elderimen birlesip, sý-ekologııa problemalaryn sheshýge septigin tıgizetin kóp jyldyq strategııa ázirleý qajet dep sanaımyz», - dedi Darıǵa Nazarbaeva.




Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT