Darıǵa Nazarbaeva bastaǵan bir top senator senbilikke qatysty

NUR-SULTAN. QazAqparat – Parlamenttiń joǵarǵy palatasynyń tóraǵasy Darıǵa Nazarbaeva bastaǵan Senat depýtattary men apparat qyzmetkerleri dástúrli jalpyqalalyq senbilikke qatysty, dep habarlaıdy QazAqparat.

«Bul joly kógaldandyrý men abattandyrý orny Máńgilik el jáne Uly dala dańǵyldarynyń qıylysy boldy. Shara barysynda aımaqqa júzden astam terek, qaraǵaı, shaǵan jáne bórtegúl kóshetteri otyrǵyzyldy. Aǵashtar men kóshetter elordanyń jasyl beldeýinde ornalasqan orman pıtomnıginen jetkizildi», - dedi palatanyń baspasóz qyzmetinen.

Búgingi ekologııalyq sharaǵa Qazaqstan Prezıdenti Qasym-Jomart Toqaevtyń qatysqanyn jazǵan bolatynbyz.

Aıta keteıik, Nur-Sultan qalasynda 16 qyrkúıek-13 qazan aralyǵynda ekologııalyq aılyq ótip jatyr. Onyń aıasynda 12 qazan kúni Nur-Sultanda aǵash otyrǵyzý aktsııasy ótetini belgilengen edi.

Búkilálemdik jasyl jelek otyrǵyzý kúnine oraılastyrylǵan shara elimizdiń barlyq óńirinde qoldaý tapty.

QR Ekologııa, geologııa jáne tabıǵı resýrstar mınıstri Maǵzum Myrzaǵalıev atap ótkendeı, 12 qazan kúngi kampanııa barysynda jáne jalpy kúz aıynyń sońyna deıin respýblıkada 1 mıllıonǵa jýyq aǵash otyrǵyzylady.