+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Darıǵa Nazarbaeva balabaqshalarǵa qatysty Premer-Mınıstrdiń atyna saýal joldady

2021 jylǵy 16 maýsym 12:57
Bólisińiz:
Darıǵa Nazarbaeva balabaqshalarǵa qatysty Premer-Mınıstrdiń atyna saýal joldady

NUR-SULTAN. QazAqparat – Parlament Májilisiniń jalpy otyrysynda depýtattar Darıǵa Nazarbaeva men Fahrıddın Qarataev jekemenshik balabaqsha muǵalimderiniń jalaqysy máselesin kóterip, Úkimet basshysy Asqar Mamınniń atyna saýal joldady, dep habarlaıdy QazAqparat tilshisi.

Uqsas jańalyqtar
Birinshi synypqa qabyldaý úshin 325 myńnan astam ótinish tústi - BǴM Qazaqstandyq ǵalym Ybyraıtanýdyń tulǵalyq model jobasyn daıyndady SQO-da 37 bilim ordasy senimgerlik basqarýǵa berildi

«Jekemenshik balabaqshalar muǵalimderiniń jalaqy deńgeıine baılanysty taǵy da Cizge júginýdemin. Aǵymdaǵy jyldyń 10 aqpanynda Qazaqstan Respýblıkasy Parlamenti Májilisiniń depýtattary jekemenshik mektepke deıingi bilim berý uıymdarynda memlekettik bilim berý tapsyrysyn iske asyrý, atap aıtqanda, olardy qarjylandyrýdyń jetkiliksizdigine qatysty másele kóterdi. Sizdiń depýtattyq saýalǵa bergen jaýabyńyzǵa sáıkes, Qazaqstan Respýblıkasynyń Úkimeti jekemenshik mektepke deıingi bilim berý uıymdaryn qoldaý úshin: salyq tóleýden bosatý, jalaqyǵa ústemaqy tóleý sııaqty tıimdi sharalar qabyldady», - dep toqtaldy D. Nazarbaeva.

Onyń sózine qaraǵanda, jergilikti bıýdjet qarajatynyń jetkiliksizdigi máselesi bar oblystardyń ákimdikteri bıylǵy respýblıkalyq bıýdjetten qosymsha qarajat bólýge bıýdjettik ótinimder jiberdi. Alaıda respýblıkalyq bıýdjetten tıisti aǵymdaǵy nysanaly transfertter bólingen joq.

«Joǵaryda aıtylǵandardyń negizinde kelesi suraqtarǵa jaýap berýińizdi suraımyn, ıaǵnı nelikten bul qarjylandyrý 2021 jylǵa arnalǵan respýblıkalyq bıýdjetti naqtylaý kezinde eskerilmedi? Aǵymdaǵy qarjy jylynda Túrkistan jáne Almaty oblystaryna qosymsha qarajat bólý kózdelip otyr ma? Oblystyq, respýblıkalyq mańyzy bar qalalar, astana bıýdjetteriniń mektepke deıingi bilim berý uıymdaryn jan basyna normatıvtik qarjylandyrý úshin aǵymdaǵy nysanaly transfertterge qajettiliginiń turaqty monıtorıngi júzege asyrylady ma?», - dep surady depýtat.


Bizdiń kanalymyzǵa jazylyńyz:

#Parlament   #Bilim  
Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT