Darıǵa Nazarbaeva Armenııanyń Prezıdentimen kezdesti

NUR-SULTAN. QazAqparat –Senat tóraǵasy Darıǵa Nazarbaeva Armenııanyń Prezıdenti Armen Sarkısıanmen kezdesti. Bul týraly QazAqparat Senattyń baspasóz qyzmetine silteme jasap habarlaıdy.

Uqsas jańalyqtar

Darıǵa Nazarbaeva Armenııa Ulttyq jınalysynyń tóraǵasymen kezdesti

Armenııa Qazaqstannyń ulttyq saıasatyn joǵary baǵalaıdy

Kezdesý Darıǵa Nazarbaevanyń Armenııaǵa resmı sapary aıasynda ótti.

Áńgime barysynda týrızmdi, aqparattyq tehnologııalardy, kólik-logıstıka áleýeti jáne basqa da salalardaǵy yntymaqtastyq máseleleri qozǵaldy.

Senat tóraǵasy EAEO elderi kásipkerleri men ınvestorlarynyń Qytaı men Ońtústik-Shyǵys Azııa naryǵyna ashylatyn múmkindikterine erekshe nazar aýdara kelip, armıan kásipkerlerin «Astana» halyqaralyq qarjy ortalyǵy men IT-startaptardyń «Astana Hub» halyqaralyq tehnoparkiniń jumysyna shaqyrdy.

Prezıdent Armen Sarkısıan óz kezeginde Senat tóraǵasynyń eki el kásipkerleriniń ózara is-qımylyn keńeıtý jónindegi usynysyna qoldaý bildirdi jáne búgingi tańda Qazaqstan men Armenııa yntymaqtastyq áleýeti tolyq kólemde paıdalanbaı kele jatqanyna toqtaldy. Prezıdenttiń aıtýynsha, kem degende áriptestiktiń birneshe baǵytyna serpin berýge múmkindik bar. Ol tamaq qaýipsizdigin (tamaq ónimderin óńdeý jáne tasymaldaý), qarjyny basqarý jáne birlesken mádenı sharalardy qamtıdy.

Taraptar Qazaqstan men Armenııa arasyndaǵy yntymaqtastyqtyń keleshegi zor baǵyttary boıynsha birlesken jumys toptaryn qurýǵa ýaǵdalasty.